– રાહદારીઓએ ઈજાગ્રસ્ત બાઈક ચાલકોને સારવાર માટે હોસ્પિટલ ખસેડ્યા
સુરત : પુણા કેનાલ રોડ પર હિટ એન્ડ રનનો બનાવ બન્યો છે.બુધવારની રાત્રે બાઈક પર જઈ રહેલા ત્રણ મિત્રોને આઈસર ટેમ્પોએ અડફેટે લીધા હતાં.એક્સિડન્ટ બાદ આઈસર ટેમ્પોનો ચાલક નાસી ગયો હતો. જેથી રસ્તા પર ઈજાગ્રસ્ત હાલતમાં પડેલા ત્રણેયને સારવાર માટે સ્થાનિકોએ સ્મીમેર હોસ્પિટલમાં 108 એમ્બ્યુલન્સની મદદથી ખસેડ્યા છે. જ્યાં એકની હાલત ગંભીર હોવાનું કહેવામાં આવી રહ્યું છે.
ત્રણ પૈકી બેની હાલત ગંભીર
પુણા કેનાલ રોડ પર બાઈક અને આઈસર ટેમ્પો (GJ7Y 3111)હિટ એન્ડ રનનો બનાવ બન્યો હતો.બાઇક સવાર ત્રણ મિત્રોને આઇસર ટેમ્પાએ અડફેટે લઈ ફરાર થઈ ગયો હતો. બુધવારની રાત્રે 8:15 ની ઘટના બની હતી.રાહદારીઓએ 108ને ફોન કરી તમામ મિત્રોને સારવાર માટે સ્મીમેર હોસ્પિટલ મોકલ્યાં હતાં.ત્રણ પૈકી બેની હાલત ગંભીર હોવાનું સામે આવ્યું છે.
એકનો એક પુત્ર ઈજાગ્રસ્ત
બાઈક પર જઈ રહેલા ઈજાગ્રસ્ત નિલેશ ભડક ( ઉ.વ. 30 ) હેન્ડ વર્કના વ્યવસાય સાથે જોડાયેલો છે.નિલેશ પરિવારનો એકનો એક પુત્ર છે.હાલ સ્મીમેર હોસ્પિટલમાં ગંભીર હાલતમાં નિલેશની સારવાર ચાલી રહી છે.નિલેશ સાથેના અન્ય બે વ્યક્તિને રાતો રાત ખાનગી હૉસ્પિટલમાં ખસેડવામાં આવ્યાં છે.
