આજે સવારે સુરત મનપાની ચૂંટણીની મતગણતરી શરૂ થઈ ગઈ છે.સુરતની કુલ 120 બેઠકો માટે 484 ઉમેદવારોના ભાવિનો ફેંસલો આજે મતદાન પેટીમાંથી બહાર આવશે.ત્યારે સુરત ના ગાંધી એન્જીનિયરિંગ કોલેજ અને એસવીએનઆઈટી કોલેજ ખાતે મતગણતરી હાથ ધરાઈ છે.બંને મતગણતરી સેન્ટર પર બે તબક્કામાં મતગણતરી શરૂ કરવામાં આવી છે.એસવીએનઆઈટી ખાતે પ્રથમ તબક્કામાં વોર્ડ નંબર 29, 14, 27, 25, 1, 21, 10 અને 15 ની મતગણતરી થશે.તો બીજા તબક્કામાં વોર્ડ નંબર 30, 19, 28, 26, 9, 22, 11 અને 18ની મતગણતરી થશે.ગાંધી કોલેજ ખાતે પહેલા તબક્કામાં વોર્ડ નંબર 23, 4, 6, 8, 16, 2 અને 13ની મતગણતરી થશે. તો બીજા તબક્કામાં વોર્ડ નંબર 24, 5, 7, 12, 17, 3 અને 20 ની મતગણતરી થશે.
સુરત મહાનગરપાલિકાનું પરિણામ Live :
બપોરે 2 વાગ્યા સુધી સુરતમાં ભાજપ 50 બેઠકો પર આગળ ચાલી રહ્યું છે.તો આપને 16 બેઠકો મળી છે.બીજી 2 બેઠકો પર આપના ઉમેદવાર આગળ ચાલી રહ્યાં છે.જોકે,આ વચ્ચે કોંગ્રેસનો એક પણ ઉમેદવાર હજી સુધી ખાતુ ખોલાવી શક્યા નથી. બપોર સુધી માત્ર એક બેઠક પર કોંગ્રેસના ઉમેદવાર આગળ ચાલી રહ્યાં છે.
સુરતમાં આમ આદમી પાર્ટી જંગી જીત તરફ આગળ વધી રહી છે. 2 4 13 અને 16 આપની જીત થઈ છે.
વોર્ડ નંબર 1, 6, 14, 21, 23 અને 29માં ભાજપની પેનલની જીત થઈ છે. વોર્ડ 10 માં ભાજપની પેનલનો વિજય
સુરતમાં આમ આદમી પાર્ટીએ જીતનું ખાતુ ખોલાવ્યું છે.વોર્ડ નંબર 16માં ચારેય પેનલમાં આપના ઉમેદાવારોની જીત થઈ છે. તો સાથે જ વોર્ડ નંબર 4માં પણ આપની જીત થઈ છે.ગાંધી એન્જિનિયરિંગ કોલેજ ખાતે આપ પાર્ટીના સમર્થકો મોટી સંખ્યામાં ઉમટ્યા. કોર કમિટી સભ્ય રામ ધડુકે સુરતના જનભાગીદારી સાથે મહાનગરપાલિકા બનશે તેવો વિશ્વાસ વ્યક્ત કર્યો.આપ પાર્ટીને 60 જેટલી બેઠકો મળવાની વાતો કરી સુરતમાં 18 સીટ પર આમ આદમી પાર્ટી આગળ ચાલી રહી છે.પાસ વર્સિસ કોંગ્રેસની લડાઈનો સીધો ફાયદો આમ આદમી પાર્ટીને થયો છે. કોંગ્રેસ હાંસિયામાં ધકેલાઈ ગયું છે.
વોર્ડ ન 4 માં આપ આગળ, ભાજપની વોર્ડ નબર 6 માં જીત નક્કી, વોર્ડ 8 માં બે આપ અને બે બીજેપીની પેનલ આગળ. વોર્ડ 10 માં બીજેપી આગળ
સુરતમાં આ મહાનગરપાલિકાની ચૂંંટણીમાં આપની એન્ટ્રી થઈ છે વોર્ડ નંબર 2, 4 અને 8માં આપની પેનલ આગળ ચાલી રહી છે. વોર્ડ 6 માં ભાજપની પેનલ આગળ ચાલી રહી છે. વોર્ડ નંબર 10માં પણ ભાજપ આગળ ચાલી રહ્યું છે.વોર્ડ 29 માં કોંગ્રેસ આગળ ચાલી રહ્યું છે.
