– તોઉ-તે વાવાઝોડાના ભારે પવનને લઈને આગ આજુબાજુની કંપનીને પણ ઝપેટમાં લઈ લીધી
દમણ : વલસાડ જિલ્લાને અડીને આવેલા દમણના ભીમપોર વિસ્તારમાં આવેલી નીના એન્ટરપ્રાઇઝ કંપનીમાં સોમવારે રાત્રે અચાનક આગ લાગી હતી.એક તરફ તોઉ-તે વાવાઝોડુ અને બીજી તરફ દમણની કંપનીમાં આગ લાગતા જોતજોતામાં આગે ભયાનક રૂપ ધારણ કર્યું હતું.આગની ભયાનકતા જોતજોતમાં વધી ગઈ હતી.
વાવાઝોડાને લઈને નીના કંપનીમાં લાગેલી આગે આજુબાજુમાં આવેલી કંપનીને ચપેટમાં લઈ લીધી હતી.સ્થાનિક લોકોએ તાત્કાલિક દમણ ફાયર વિભાગને જાણ કરી હતી.આગ મોટી હોવાને લઇ બાજુની કંપની પણ ચપેટમાં આવતા ફાયર વિભાગ થયું દોડતું થયું હતું.દમણ અને વલસાડની ફાયર ટીમ ઘટના સ્થળે આગ ઉપર કાબુ મેળવવા તજવીજ શરૂ કરી હતી.નીના કંપનીમાં લાગેલી આગ મોટી હોવાને લઇ આસ પાસના વિસ્તારોની ફાયર ટીમને પણ બોલાવવા બ્રિગેડ કોલ જાહેર કરાયો હતો.
કંપનીમાં આગ લાગવાનું કરણ હજુ અકબંધ છે.
