બારડોલી : સુરત જિલ્લા મીડિયા સેલના 13 મંડળના કન્વીનરો/સહકન્વીનરોની મિટિંગ બારડોલી પરિશ્રમ પાર્ક ખાતે આવેલી સુરત જિલ્લા ભાજપ મધ્યસ્થ કાર્યાલય ખાતે દક્ષિણ ગુજરાત મીડિયા ઇન્ચાર્જ રાજેશ દેસાઇ અને સહ ઇન્ચાર્જ દિપીકા ચાવડાના અધ્યક્ષ સ્થાને મળી હતી.
આ પ્રસંગે સ્વાગત પ્રવચન સુરત જિલ્લા મીડિયા સેલના કન્વીનર દિનેશ સી. દેસાઇએ કર્યું હતું.રાજેશ દ્સઈએ માર્ગદર્શન આપતા જણાવ્યુ હતું કે સંગનાત્મક શક્તિને લઈને સત્તા પ્રાપ્ત થાય છે આપણે મીડિયા સેલ જેને ચોથી જાગીરી તરીકે પ્રેસનોટ,પ્રિન્ટ મીડિયા,ઈલેક્ટ્રોનિક મીડિયા સાથે વર્તમાનપત્રો,ચેનલો સાથે તાલમેલ રાખીને પાર્ટીની વિચારધારા અને કેન્દ્ર સરકાર તેમજ રાજ્ય સરકારના વિકાસ કામોને પ્રજા સુધી પહોંચાડવાના સેતુ સમાન બનવાનું છે.આપણાં જિલ્લામાંથી 10થી 12 મીડિયાના રાજકીય સૂઝ ધરાવતાઓએ ચેનલ થકી રાખેલ ડિબેટમાં ભાગ લઈ શકે જેથી આપણાં રાષ્ટ્રીય પર્વ,સરકારી યોજના,તાલુકા પંચાયત અને જિલ્લા પંચાયત તેમજ પાર્ટી તરફથી રાખેલા વિકાસલક્ષી કામોની પ્રેસનોટ બનાવીને પ્રસિદ્ધ કરવાનું આયોજન કરવું જરૂરી છે.એ જ રીતે માહિતી વિભાગના પણ સંપર્કમાં રહેવા જણાવ્યુ હતું.સહકન્વીનર દિપીકા ચાવડાએ મીડિયા સેલની જવાબદારીમાં સમાવિષ્ટ કામોને પ્રજાના વિકાસ કાઓને પ્રજા સુધી પહોંચાડવા માટે નિર્દેશ કર્યો હતો.આભાર વિધિ માંડવી નગરના કન્વીનર જીતેન્દ્રસિંહ પરમારે કરી હતી.
