બારડોલી : બારડોલી તાલુકામાં આમઆદમી પાર્ટીના તાલુકા યુવા પ્રમુખ તરીકે માણેકપોરના વતની જીગર ચાવડાની વરણી કરવામાં આવી હતી.બારડોલી સર્કિટ હાઉસ ખાતે આમઆદમી પાર્ટીની મિટિંગ યોજાઈ હતી.જેમાં આમ આદમી પાર્ટીના જિલ્લા સંગઠન મંત્રી રોહિત જાની ઉપસ્થિત રહ્યા હતા.જે બેઠકમાં માણેકપોર ગામના યુવા આગેવાન જીગરસિંહ ફતેસિંહ ચાવડાની તાલુકા યુવા પ્રમુખ તરીકે નિમણૂક કરાય હતી.જેને લઈ બારડોલી તાલુકાના યુવાઓમાં ઉત્સાહનો માહોલ ઉભો થયો હતો. માણેકપોર સહિત નાનામાં નાના વ્યક્તિને સાથે લઈ કામ કરવાની ક્ષમતા ધરાવતા જીગર ચાવડાની નિમણુંકને ગ્રામજનોએ વધાવી લીધી હતી.
