સુરતની વધુ ત્રણ પ્રારંભિક ટી,પી,સ્કીમને મંજૂરી : 2020ના વર્ષના પ્રથમ ત્રણ માસમાં જ ૧૦ યોજનાઓ મંજૂરકરતા મુખ્યમંત્રી રૂપાણી

રાજ્યના મહાનગરો-નગરોના સુગ્રથિત વિકાસ માટે મુખ્યમંત્રીની પ્રતિબદ્ધતા: ૨૦૧૮ અને ૨૦૧૯માં સતત ૧૦૦-૧૦૦ નગર રચના યોજનાઓ મંજૂર કરવાની વિજયભાઇ રૂપાણીની ઐતિહાસિક પહેલ
અમદાવાદ :મુખ્યમંત્રીવિજયભાઇ રૂપાણીએ મહાનગરો અને નગરોના સુગ્રથિત વિકાસની પ્રતિબદ્ધતા સાથે વર્ષ ૨૦૨૦ના પ્રથમ ત્રણ માસમાં જ ૧૦ TP અને ૧ ફાયનલ DP યોજના સહિત કુલ-૧૧ પ્રોજેકટ મંજૂર કર્યા છે.વિજયભાઇ રૂપાણીએ ૨૦૧૮ અને ૨૦૧૯માં એમ સતત બે વાર નગર રચના યોજનાઓ મંજૂર કરવાનો શતક રાજ્યના ઇતિહાસમાં પ્રથમવાર પૂર્ણ કર્યા બાદ હવે, ૨૦૨૦માં પણ આવી ત્વરિત મંજુરીની વિકાસકૂચ જારી રાખવાની પ્રતિબદ્ધતા દર્શાવી છે. તેમણે TP DP માં ઝિરો પેન્ડન્સીનો લક્ષ્ય રાખવાની વિભાગને સ્પષ્ટ સૂચનાઓ આપી છે. મુખ્યમંત્રીએ રાજ્યના મહાનગરોના થઇ રહેલા ઝડપી વિકાસના સંદર્ભમાં ત્વરાએ નાગરિકલક્ષી સુવિધાઓ પૂરી પાડવાની નેમ સાથે સુરત મહાનગર માટે વધુ ત્રણ પ્રારંભિક ટાઉન પ્લાનીંગ સ્કીમને મંજૂરી આપી છે.વિજયભાઇ રૂપાણીએ સુરત મહાનગરને હોળી-ધૂળેટીના પર્વેના અવસરે જે ત્રણ વિસ્તારોમાં પ્રારંભિક ટી.પી.ની મંજૂરીની ભેટ આપી છે તેમાં ભેસ્તાન વિસ્તારની પ્રીલિમનરી ટી.પી. પ૪ (ભેસ્તાન) અને પપ (ભેસ્તાન) તેમજ ટી.પી. TP ૧૪ પાલ (ફર્સ્ટ વેરીડ)નો સમાવેશ થાય છે. આ ટી.પી. સ્કીમમાં અર્બન ડેવલપમેન્ટ ઓથોરિટીને કુલ ૩ર જેટલા પ્લોટ સમગ્રતયા ૪૦ હેકટર્સના ક્ષેત્રફળ સાથે સંપ્રાપ્ત થવાના છે.આ પ્લોટસમાં ખૂલ્લી જગ્યા-બાગબગીચા તેમજ જાહેર હેતુ માટે ર લાખ ૧પ હજાર ૮૧૧ ચોરસ મીટર જમીન અને સામાજિક-આર્થિક નબળા વર્ગના લોકોના આવાસ-રહેઠાણ માટે ૧ લાખ ૧૮ હજાર ૪૩૪ ચોરસ મીટર જમીન પ્રાપ્ત થશે.આ ઉપરાંત ૬૭૮૦૮ ચો.મીટર જમીન રહેણાંક તેમજ વેચાણના હેતુ માટે પણ સંપ્રાપ્ત થશે.આ બે પ્રારંભિક ટી.પી સ્કીમ મંજુર થવાથી સુરત મહાનગરમાં બાગ-બગીચા સહિત અન્ય નાગરિકલક્ષી સુવિધામાં વધારો થશે.વિજયભાઇ રૂપાણીએ પારદર્શીતા અને નિર્ણાયકતાના અભિગમ સાથે નવી અથવા વર્ષો જુની એમ કોઇ પણ TP સ્કીમને ત્વરીત નિર્ણય તેમજ પોઝીટીવ એપ્રોચ સાથે મંજુરી આપવાની અભિનવ પહેલ કરી છે.