ચીખલી : ચીખલી તાલુકા પંચાયતની સામાન્ય સભામાં ૧૫-માં નાણાપંચની ગ્રાંટના ૬.૫૮ કરોડ રૂપિયાથી વધુના વિકાસના કામોને બહાલી આપવામાં આવી હતી.
ચીખલી તાલુકા પંચાયતના સભાખંડમાં પ્રમુખ કલ્પનાબેન ગાવિત,પીઓ કમ ટીડીઓ હિરેન ચૌહાણ,ઉપપ્રમુખ જીગ્નેશ ગાવિત,કારોબારી અધ્યક્ષ ધર્મેશભાઈ પટેલ,સામાજિક ન્યાય સમિતિના અધ્યક્ષ
વૈભવભાઈ બારોટ,નાયબ ટીડીઓ બી.જી.સોલંકી સહિતનાની ઉપસ્થિતિમાં યોજાયેલ સામાન્ય સભામાં ૧૫-માં નાણાપંચની વર્ષ ૨૦૨૦-૨૧ અને ૨૦૨૧-૨૨ ની ટાઇડ અને અનટાઇડ ગ્રાન્ટના રસ્તા,પીવાના પાણી,ડ્રેનેજ,આરોગ્ય,શિક્ષણ સહિતના વિવધ ૬.૫૮ કરોડ રૂપિયાથી વધુના વિકાસના કામોને બહાલી આપવામાં આવી હતી.આયોજન અંગેની તાંત્રિક જાણકારી તાલુકા પંચાયતના એસ.ઓ આશિષ ઢીમમર દ્વારા આપવામાં આવી હતી. આ પૂર્વે કારોબારી સમિતિની બેઠક પણ કારોબારી અધ્યક્ષ ધર્મેશભાઈના અધ્યક્ષ સ્થાને સચિવ હિરેન ચૌહાણ, કારોબારી સમિતિના સભ્યો રમેશભાઈ,નરેન્દ્રભાઈ,દમયંતિબેન આહિર,જશુભાઈ ગાંગોડા,જગનભાઈ દેશમુખ,પંકજભાઈ પટેલ સહિતનાની ઉપસ્થિતિમાં યોજાતા અગાઉની બેઠકની કાર્યવાહીને બહાલી આપવામાં આવી હતી.સાથે આગ જેવી દુર્ઘટનામાં નુક્શાનીની રકમ વધારવા અંગે પણ ચર્ચા હાથ ધરવામાં આવી હતી.આ ઉપરાંત તાલુકા પંચાયત હસ્તકની ખૂંધમાં આવેલ પથિકાશ્રમ વાળી મિલકત સુરક્ષિત રહે તે માટે ફરતે કોર્ડન કરી બોર્ડ લગાવવાનું કામ દિન-૧૫ માં પૂર્ણ કરવાની ખાતરી ટીડીઓ દ્વારા આપવામાં આવી હતી.
