– પંચાયત વિભાગમાં ફરજ બજાવતા ગુજરાત વહીવટી સેવા વર્ગ 1 ( જુનિયર સ્કેલ)ના 23 અધિકારીઑની બદલી જ્યારે 8 અધિકારીની નિમણૂક કરાઇ,ત્યારે જાણો કોને ક્યાં જવાબદારી સોંપાઇ
– નાયબ જિલ્લા વિકાસ અધિકારીની બદલી
– 8 અધિકારીઑને નિમણૂક આપી દેવાઈ
ગાંધીનગર : રાજ્ય સરકાર દ્વારા દિવાળી સમયે GAS કેડરના 8 અધિકારીઓની બદલીના આદેશ આપી દીધા હતા.જે બાદ આજે ગુજરાત વહીવટી સેવા વર્ગ 1 ( જુનિયર સ્કેલ) તરીકે ફરજ બજાવતા અધિકારીઑની બદલી કરી નાખવામાં આવી છે.તાત્કાલિક અસરથી એક સાથે GAS કેડરનાં 23 ક્લાસ વન અધિકારીઓની બદલી અને 8 ક્લાસ વન અધિકારીઓની નિમણૂકનાં આદેશ પંચાયત વિભાગ દ્વારા આપી દેવામાં આવ્યા છે.આ અંગે જે તે વિભાગના અધિકારીઑને પરિપત્રથી જાણ કરવામાં આવી છે સાથે જ નિમણૂક હેઠળના અધિકારીઑના નિયંત્રણ અધિકારીઑએ સંબંધિત અધિકારીઓને તાત્કાલિક ફરજમુક્ત કરીને નવી નિમણૂકની જગ્યાએ હાજર થવા ઓર્ડર આપી દેવાયા છે.4 ડિસેમ્બરના રોજ GAS કેડરના 16 અધિકારીઓને પ્રમોશન અપાયું હતું.
મહત્વનું છે કે અગાઉ પણ રાજ્યમાં અધિકારીઓની બદલી અને બઢતીનો કરવામાં આવી હતી જેમાં રાજ્યના GAS કેડરના ક્લાસ-1 ના 21 અધિકારીઓને બઢતી આપવામાં આવી હતી.જ્યારે આ અધિકારીઓને સિનિયર સ્કેલ(લેવલ 12)માંથી સિલેક્શન સ્કેલ(લેવલ 13)માં મુકવામાં આવ્યા હતા.ત્યારે વધુ એક વાર રાજ્યમાં વહીવટી કેડરના 16 અધિકારીઓને IAS તરીકે બઢતી મળી હતી.જેને લઈને પ્રમોશન મળતા અધિકારીઓના પરિવાજનોમાં ખુશીનો માહોલ જોવા મળી રહ્યો છે.
