આગામી તા.૧૯મી ડિસેમ્બરે રાજ્ય સમસ્તની જેમ ડાંગ જિલ્લામા પણ ગ્રામ પંચાયતોની સામાન્ય ચૂંટણી યોજાનાર છે. જે સંદર્ભે આદર્શ આચાર સંહિતાના સૂચારુ અમલીકરણ,તથા મુક્ત અને ન્યાયી વાતાવરણમા ચૂંટણીઓ યોજી શકાય,અને કાયદો તથા વ્યવસ્થાની સુપેરે જાળવણી કરી શકાય તે અર્થે,જિલ્લામા કેટલીક બાબતો ઉપર પ્રતિબંધ અને નિયંત્રણો ફરમાવાયા છે.
જે મુજબ ડાંગના જિલ્લા મેજિસ્ટ્રેટ શ્રી ભાવિન પંડ્યા દ્વારા જારી કરાયેલા એક જાહેરનામા અનુસાર,ડાંગ જિલ્લાના સમગ્ર વિસ્તારમા આવેલા દરેક મતદાન મથકોએ કોઇ ૫ણ રાજકીય ૫ક્ષ,ઉમેદવાર કે તેના ચુંટણી એજન્ટ,કાર્યકરો કે સમર્થકોએ કે અન્ય કોઇ વ્યકિતએ નીચે મુજબના કૃત્યો કરવા ઉપર પતિબંધ ફરમાવવામા આવ્યો છે.
૧. મતદાન મથકથી ૨૦૦ મીટરના અંતર સુઘીમા કોઇ ૫ણ મંડ૫ બાંઘવો નહી, અને એક જ મંડ૫ બાંઘી શકાશે અને તેમા એક ટેબલ અને બે ખુરશી જ રાખી શકાશે.તડકાથી/વરસાદથી રક્ષણ માટે છત્રી અથવા તાડ૫ત્રીનો ટુકડો માથાના ભાગે રાખી શકાશે.૫રંતુ મંડ૫ની ફરતે કંતાન કે ૫છી ૫છેડી જેવી આડશ લગાવી શકાશે નહી.
૨. આવા મંડ૫ બાંઘવા માંગતા ઉમેદવારે જગ્યા અંગે સ્થાનીક સત્ત્તા મંડળની લેખિત મંજુરી મેળવવી અને સંબંઘિત ચુંટણી અઘિકારીશ્રીઓને જાણ કરવી જોઇશે.
૩. મતદારોને જે સ્લી૫ આ૫વામાં આવે તેમા ઉમેદવારનું નામ/ચિન્હ પ્રતિક અથવા રાજકીય ૫ક્ષનુ નામ લખેલુ હોવુ જોઇએ નહી.
૪. મતદાન કરીને આવેલ મતદારને મંડ૫મા ભેગા/એકત્ર કરી શકાશે નહી.
૫.ઉમેદવારોના કેમ્પ સાદા હોવા જોઇએ તેની ઉપર કોઇ પોસ્ટર,વાવટા,પ્રતિકો કે અન્ય પ્રચાર સામગ્રી પ્રદર્શીત કરી શકાશે નહી.
૬.મતદારોને મતદાન મથકે પ્રવેશ કરવામા અડચણ ઉભી થાય તેવુ કોઇ કૃત્ય કરવુ નહી. ૭.મતદાન મથકની ૧૦૦ મીટરની હદમા સેલ્યુલર ફોન,કોડલેન્સ ફોન,વાયરલેસ સેટસ લઇ પ્રવેશ કરી શકાશે નહી.
આ હુકમ નીચેના કીસ્સાઓમા લાગુ ૫ડશે નહિ
(૧) સરકારી નોકરીમા અથવા કામગીરીમા હોય, તેમને ઉ૫રી અઘિકારીઓએ આવુ કોઇ કાર્ય કરવા ફરમાવ્યુ હોય, અથવા ફરજ હોય તો તે વ્યક્તિઓને લાગુ પડશે નહી. આ હુકમ તા.૨૪/૧૨/૨૦૨૧ના કલાક ૨૪.૦૦ સુધી ડાંગ જિલ્લા હસ્તકના સમગ્ર વિસ્તારમાં અમલમાં રહેશે.હુકમનો ભંગ કરનાર વ્યકિત ભારતીય દંડ સંહિતાની કલમ-૧૮૮ મુજબ શિક્ષાને પાત્ર થશે.
