મુંબઇ : ફિલ્મ ઈન્ડસ્ટ્રીના એક પછી એક કલાકાર કોરોનાની ઝપેટમાં આવી રહ્યાં છે.કરીના કપૂર અને અમૃતા અરોરાના સ્વસ્થ થયા બાદ હવે નોરા ફતેહી કોરોના સંક્રમિત થઇ છે.નોરાના પ્રવક્તાએ આ વાતની પુષ્ટિ કરી છે અને જણાવ્યું છે કે નોરા હાલમાં ક્વોરન્ટાઇન છે અને ડોક્ટરોની દેખરેખમાં છે.

નોરાના પ્રવક્તાએ એક નિવેદન જારી કરીને કહ્યું કે,નોરા ફતેહી વતી હું જણાવવા માંગુ છું કે નોરા 28 ડિસેમ્બરે કોરોના સંક્રમિત હોવાનું સામે આવ્યું હતું.નોરા ફતેહી નિયમોનું પાલન કરી રહી છે.તે ડોક્ટરોની દેખરેખ હેઠળ ક્વોરન્ટાઈનમાં છે.BMCને પણ સહકાર આપી રહી છે.

નોરા ફતેહીની કેટલીક તસવીરો સોશિયલ મીડિયા પર વાયરલ થઈ રહી છે.આ અંગે પ્રવક્તાએ સ્પષ્ટતા કરી છે. તેમણે લખ્યું કે,ગઈકાલથી નોરાની સ્પોટિંગની કેટલીક તસવીરો ઇન્ટરનેટ પર વાયરલ થઈ રહી છે.આ પહેલાની ઇવેન્ટની તસવીરો છે અને નોરા તાજેતરમાં ક્યાંય બહાર ગઈ નથી.અમે તમને બધાને વિનંતી કરીએ છીએ કે તેઓ જૂની તસવીરોને અવગણે.નોરા ફતેહીએ પણ આ વિશે ઇન્સ્ટાગ્રામ પર માહિતી આપી છે.

ઉલ્લેખનીય છે કે,નોરા ફતેહી સિંગર ગુરુ રંધાવાના નવા ગીત ડાન્સ મેરી રાનીના વીડિયોમાં જોવા મળી હતી.ગીત રિલીઝ થયા બાદથી નોરા અને ગુરુ તેને સતત પ્રમોટ કરી રહ્યા છે.