લિક્વિડિટી જળવાય અને રેટ કટનો લાભ ઝડપથી મળે તેવો હેતુ
એજન્સી > મુંબઈ
રિઝર્વ બેન્ક 18મી માર્ચે બુધવારે લોંગ ટર્મ રેપો ઓપરેશન્સ(LTRO)નો પાંચમો તબક્કો હાથ ધરશે. માર્કેટમાં પૂરતી લિક્વિડિટી જળવાઈ રહે તે હેતુથી તે આ પાંચમા તબક્કામાં ~25,000 કરોડની લિક્વિડિટી ઠાલવશે.
રિઝર્વ બેન્કે અગાઉ ફેબ્રુઆરી મહિનાથી અત્યાર સુધીમાં દરેકના ~25,000 કરોડના મૂલ્યના સાથેના ચાર LTRO હાથ ધર્યા છે. તેને ભારે સફળતા મળ્યા બાદ હવે પાંચમો તબક્કો હાથ ધરશે.LTRO હેઠળ રિઝ્વ બેન્ક ચોક્કસ સાઈઝના એક વર્ષ અને ત્રણ વર્ષની મુદ્દતના ટર્મ રેપો હાથ ધરે છે. પોલિસી રેપો રેટ મુજબ તેની કુલ રકમ ~1 લાખ કરોડની છે. બજારની વર્તમાન નાણાકીય પરિસ્થિતિ જોતા અને બેન્કો ઝડપથી વ્યાજના દરમાં ઘટાડાનો લાભ લોકો સુધી પહોંચાડે તે માટે વધારાના LTRO હાથ ધરવાનું તેણે નક્કી કર્યું છે. તેના ભાગરૂપે જ બુધવારે ~25,000 કરોડના LTOR રજૂ થશે. તેની મુદ્દત ત્રણ વર્ષની રહેશે.
ગયા મહિને સૌપ્રથમ LTROની જાહેરાત થઈ તે અગાઉ રેપો ઓપરેશનની સૌથી લાંબી મુદ્દત 14 દિવસની હતી, જ્યારે મોટાભાગના રેપોનું ઓવરનાઈટ વેચાણ થતું હોય છે. દરમિયાન રિઝર્વ બેન્કે અન્ય જાહેરાતમાં કહ્યું છે કે તે 23 માર્ચે બીજા તબક્કાનો ડોલર-રુપી સ્વેપ હાથ ધરશે, જેનું મૂલ્ય 2 અબજ ડોલર રહેશે. માર્કેટમાં અમેરિકન ડોલરની જરૂરિયાતને ધ્યાનમાં લઈને વધુ 5 મહિના માટે ડોલર સેલ/બાય સ્વેપ ઓક્શન હાથ ધરાશે અને
તેના દ્વારા ફોરેક્સ માર્કેટમાં 2 અબજ ડોલરની લિક્વિડિટી પૂરી પાડવામાં આવશે. પ્રથમ સ્વેપ મંગળવારે હાથ ધરાયો હતો.
