નવી દિલ્હી,14 માર્ચ,2022. : એક સમયે ઓલિમ્પિકસ સ્પર્ધામાં ભાગ લઇને બે મેડલ મેળવીને દેશનું નામ રોશન કરનારો આ ભારતીય ખેલાડી છેલ્લા કેટલાક સમયથી જેલની હવા ખાઇ રહયો છે.જેલમાં રહીને જ તે હવે કેદીઓને ફિટનેસનો મંત્ર આપી રહયો છે.વર્ષો સુધી પરસેવો પાડીને ફિટનેસ જાળવીને ઓલિમ્પિકના મેડલ સુધીની સફર ખેડનારો આ ખેલાડી જેલમાં રહેવા મજબૂર છે.
આ ખેલાડીનું નામ બોકસર સુશિલકુમાર છે.બોકસિંગમાં દેશનું નામ રોશન કરનારા આ ખેલાડીને જેલમાં રહેવાની તો કલ્પના પણ કરી નહી હોય.હવે તેને હતાશા ખંખેરીને જેલમાં જ ફિટનેસ સેન્ટર શરુ કર્યુ છે જેમાં તે કેદીઓને ફિટનેસ ટિપ્સ આપે છે.
એટલું જ નહી બોંકસિંગના દાવ પણ શીખવે છે.તિહાડ જેલ પ્રશાસનના જણાવ્યા અનુસાર આ ફિટનેસ સેન્ટર ઘણા સમયથી શરુ થવાનું હતું પરંતુ કોરોનાની ત્રીજી લહેરના કારણે મુલતવી રખાયું હતું.ખુદ સુશિલકુમારે જેલ અધ્યક્ષને જેલમાં રહીને જ ફિટનેસ સેન્ટર શરુ કરવાની મંજુરી માંગી હતી.ફિટનેસ સેન્ટરની બે દિવસન પહેલા શરુઆત થઇ ત્યારે પ્રથમ દિવસે 10 જેટલા કેદીઓ જોડાયા હતા.જેલમાં આમ તો કેદીઓની માનસિક સ્થિતિ સારી રહે તે માટે અનેક વિધ પ્રવૃતિઓ કરવામાં આવતી હોય છે આ સેન્ટર તેનો જ એક ભાગ છે.
સાગર ધનખેડેની હત્યાના આરોપ હેઠળ સુશિલ જેલમાં છે
ઓલિમ્પિકસ પદક વિજેતા સુશીલકુમાર દિલ્હીના છત્રસાલ સ્ટેડીયમમાં સાગર ધનખેડે નામના જુનિયર બોકસિંગ ખેલાડીની હત્યાના આરોપમાં જેલમાં છે.23 મે 2021ના રોજ પોલીસે સુશીલ અને તેના સાથી અજયકુમારની ધરપકડ કરી હતી.
સુશીલકુમાર અને તેના કેટલાક સાથીદારોએ 4 થી 5 મે ના રોજની રાત્રીએ ધનખેડે સાથે મારપીટ કરી હોવાનું કહેવાય છે.આ મારપીટમાં પહેલવાન ધનખેડેનું મુત્યુ થયું એ પછી સુશિલકુમારની મુશ્કેલી વધી હતી.આ ઘટના પછી રેલવેએ ઉત્તર રેલવે વિભાગમાં ઉચ્ચ હોદો ધરાવતા સુશિલકુમારને બરતરફ કર્યો હતો.
