નવી દિલ્હી, તા. 15 માર્ચ, 2022, મંગળવાર : ભારત અને પાકિસ્તાન વચ્ચેની દરેક મેચ (India vs Pakistan Hockey World Cup 1975) વર્લ્ડ કપ ફાઈનલ જેવી જ હોય છે.અને જ્યારે ખરેખર વર્લ્ડ કપ ફાઈનલ હોય તો રોમાંચની પરાકાષ્ઠાનો અંદાજ લગાવી શકાય છે.બંને ટીમ જીત મેળવવા માટે કોઈ પણ કિંમત ચૂકવવા તૈયાર હોય છે.આવું જ કંઈક આ દિવસે એટલે કે 15 માર્ચ, 1975ના રોજ થયું હતું. કુઆલાલંપુર(મલેશિયા)માં હોકી વર્લ્ડ કપ ટાઈટલ મેચ રમાઈ હતી.ટીમ ઈન્ડિયાએ પોતાના કટ્ટર હરીફ પાકિસ્તાનને રોમાંચક મેચમાં 2-1થી હરાવીને વર્લ્ડ ચેમ્પિયન બનવાનું ગૌરવ મેળવ્યું હતું.
ભારતની જીતના બે હીરો
ભારતને પ્રથમ વખત વર્લ્ડ કપ જીતાડવામાં જે ખેલાડીઓ હીરો હતા તેમાં હોકીના જાદુગર ધ્યાનચંદના પુત્ર અશોક કુમાર સિંહ અને પેનલ્ટી કોર્નર નિષ્ણાત અસલમ શેર ખાન હતા.
મલેશિયા સામેની સેમીફાઈનલમાં ભારત માટે અસલમ શેર ખાને મહત્વનો ગોલ કર્યો હતો.અશોક કુમારે વર્લ્ડ કપમાં પાકિસ્તાન સામેની ફાઈનલમાં ભારત માટે નિર્ણાયક ગોલ કરીને વર્લ્ડ કપ ભારતને અપાવ્યો હતો.
જ્યારે પાકિસ્તાને મચાવ્યો હતો હંગામો
અશોક કુમારના આ ગોલ પર પાકિસ્તાનના ખેલાડીઓએ ખૂબ જ હંગામો મચાવ્યો હતો.હકીકતમાં અશોક કુમારે બોલને એટલી ઝડપથી ફ્લિક કર્યો હતો કે,ભારતીય મૂળના મલેશિયન અમ્પાયર જી. વિજયનાથનને પણ બરાબર ખબર પડી ન હતી કે,બોલ ગોલમાં કેવી રીતે ગયો પરંતુ અંતે જ્યારે વિજયનાથને ગોલ કર્યો ત્યારે પાકિસ્તાને તેના પર પક્ષપાતનો આરોપ પણ લગાવ્યો હતો.
