બેંગકોક, તા. 15 માર્ચ 2022, મંગળવાર : જ્યારે વિશ્વ યુક્રેનમાં યુદ્ધ પર નજર રાખી રહ્યું છે,ત્યારે મ્યાનમારની સેના મોટા પાયે હવાઈ અને જમીન પર હુમલો કરીને નાગરિકોને નિશાન બનાવી રહી છે.
દક્ષિણપૂર્વ એશિયાઈ દેશમાં લગભગ ત્રણ મહિનાથી યુદ્ધ ક્ષેત્રમાં રહેતા રાહતકર્મીએ આ માહિતી આપી છે.
માનવતાવાદી સહાયતા સંસ્થા ફ્રી બર્મા રેન્જર્સના ડાયરેક્ટર ડેવિડ યુબેન્ક્સે જણાવ્યું હતું કે,લશ્કરના વિમાનો અને હેલિકોપ્ટર પૂર્વી મ્યાનમારના વિસ્તારો પર હુમલો કરવાનું ચાલુ રાખ્યું હતું જ્યાં તે અને તેના સ્વયંસેવકો નાગરિકોને તબીબી અને ખાદ્ય સહાય પૂરી પાડતા હતા.આ સંઘર્ષમાં ફસાયા હતા.
તેમણે કહ્યું કે સૈનિકો જમીન પર અંધાધૂંધ ગોળીબાર કરી રહ્યા છે,જેના કારણે હજારો લોકો પોતાના ઘર છોડીને ચાલ્યા ગયા છે.ઈયુબેંક્સ તેને બીજા વિશ્વયુદ્ધ પછી મ્યાનમારમાં સંભવત સૌથી ભયંકર લડાઈ તરીકે વર્ણવે છે.મ્યાનમારની સેનાએ ગયા વર્ષે આંગ સાન સુ કીની લોકતાંત્રિક રીતે ચૂંટાયેલી સરકારને ઉથલાવીને સત્તા કબજે કરી હતી.
24 ફેબ્રુઆરીએ પ્રકાશિત થયેલા અહેવાલ અનુસાર સેનાએ કેરેન પ્રાંતની રાજધાની લોઇકાવ નજીક આતંકવાદી જૂથોને ખતમ કરવા માટે હવાઈ હુમલા અને ભારે તોપમારો કર્યાનું સ્વીકાર્યુ હતુ.
