નવી દિલ્હી, તા. 25 એપ્રિલ 2022 સોમવાર : દિલ્હીમાં સોમવારે મોટી દુર્ઘટના ઘટી. દક્ષિણી દિલ્હીના સત્ય નિકેતન વિસ્તારમાં એક બિલ્ડિંગ ધરાશાયી થઈ.આ ઘટનામાં સાત મજૂર કાટમાળમાં દબાઈ ગયા છે.ઘટનાની માહિતી મેળવીને NDRFની ટીમ પણ ઘટના સ્થળે પહોંચી ગઈ છે.NDRFએ રાહત અને બચાવ અભિયાન શરૂ કરી દીધુ છે.જાણકારી અનુસાર સત્ય નિકેતન વિસ્તારમાં એક ભવનના નિર્માણનુ કાર્ય ચાલી રહ્યુ હતુ.મજૂર કામ કરી રહ્યા હતા.આ દરમિયાન આ નિર્માણાધીન ભવનનો કેટલોક ભાગ ધરાશાયી થયો.ઘટના સ્થળે કામ કરી રહેલા મજૂર કંઈ સમજી શક્યા નહીં.ત્યાં કામ કરી રહેલા સાત મજૂર નિર્માણાધીન ભવનના કાટમાળમાં દબાઈ ગયા છે.36 વર્ષીય નસીમ, 25 વર્ષીય ગુલફરાજ, 22 વર્ષીય બિલાલ, 23 વર્ષીય અરમાન, 21 વર્ષીય અસલમ સહિત કુલ સાત મજૂર કાટમાળમાં દબાઈ ગયા છે.તમામ બિહારના અરરિયા જિલ્લાના નિવાસી છે.એનડીઆરએફની ટીમે સાતમાંથી ચાર મજૂરોને કાટમાળમાંથી નીકાળ્યા છે.ઘટનાની માહિતી મેળવીને દિલ્હી ફાયર બ્રિગેડએ તાત્કાલિક ફાયર બ્રિગેડને ઘટના સ્થળે મોકલી દીધા.ઘટના સ્થળ પર એનડીઆરએફની ટીમને પણ મોકલવામાં આવી. ટીમે રાહત અને બચાવ કાર્ય શરૂ કરી દીધુ છે.ચાર મજૂરોને કાટમાળમાંથી રેસ્ક્યુ કરવામાં આવી ચૂક્યા છે.કાટમાળ હટાવવામાં જેસીબીનો ઉપયોગ પણ કરવામાં આવી રહ્યો છે.ઘટનાને લઈને નસીમના એક પરિજને કહ્યુ કે અમને ફોન કોલ દ્વારા ઘટનાની માહિતી મળી.ઘટના કેવી રીતે થઈ, આ સંબંધમાં અમને કોઈ જાણકારી નથી.દિલ્હીના મુખ્યમંત્રી અરવિંદ કેજરીવાલએ ટ્વીટ કરી ઘટના પર દુખ વ્યક્ત કરતા કહ્યુ કે જિલ્લા વહીવટીતંત્ર રાહત અને બચાવના કામમાં લાગેલા છે.તેમણે એ પણ કહ્યુ છેકે પોતે ઘટના સાથે સંબંધિત દરેક જાણકારી લઈ રહ્યા છે.
દિલ્હીમાં નિર્માણાધીન બિલ્ડીંગ ધરાશાયી: કાટમાળમાં 7 મજૂર દટાયા, NDRFનુ રેસ્કયુ ઓપરેશન ચાલુ
