વડોદરા,તા. 30 એપ્રિલ 2022,શનિવાર : ભારત દેશમાં વડોદરા ખાતેથી 1982 ની સાલમાં સૌથી પહેલાં શરૂ થયેલી જયસિંહરાવ સાર્વજનિક વાચનાલયની આજે મેયર અને મ્યુનિસિપલ કમિશનરની ઉપસ્થિતિમાં સાફ સફાઈ ઝુંબેશ હાથ ધરવામાં આવી હતી.આ સાથે શહેરની તમામ હેરીટેઝ ઇમારતો એક વર્ષમાં સ્વચ્છ કરવાની સાથે જાળવણીના લક્ષ્યાંકનો નિર્ધાર કર્યો છે.આમ અમદાવાદ શહેર બાદ હવે વડોદરા કોર્પોરેશન દ્વારા પણ હેરિટેજ ઇમારતોનું સ્વચ્છતા અભિયાન હાથ ધરાયું છે.
સમગ્ર દેશમાં સર સયાજીરાવ ગાયકવાડના શાસનમાં અથવા તો તે પહેલાના શાસકો દ્વારા ઈન્ડો આર્કિટેક્ચર થી અનેક બિલ્ડિંગો બનેલી છે.જે તમામ બિલ્ડીંગ હેરિટેજ તો છે.પરંતુ હેરિટેજ ઇમારતોમાં સ્થાન પામી શકી નથી.આવીજ એક ઇમારત કલેકટર કચેરીની સામેની ભાગમાં આવેલી છે વર્ષ 1882માં લોકોને વાંચન તરફ વાળવા માટે શરૂ કરાયેલ સૌથી પહેલુ જયસિંહ રાવ સાર્વજનિક વાચનાલય શરૂ કરવામાં આવ્યું હતું.અને વર્ષો સુધી લોકો અહીં વાંચનાલય માં વિવિધ પુસ્તકો વાંચન કરી પોતાના જ્ઞાનમાં વધારો કરી રહ્યા છે.આજે મેયર કેયુર રોકડિયા અને મ્યુનિસિપલ કમિશનર શાલિની અગ્રવાલ સહિત ઉચ્ચ અધિકારીઓએ વડોદરા શહેરમાં આવેલી ઐતિહાસિક ઇમારતો નો સાફ-સફાઈ અને જાળવણીનું બિડુ ઝડપ્યુ હતું.કોર્પોરેશનના જેસીબી મશીન બોલાવી અને સફાઈ કર્મચારીઓને સાથે રાખી સમગ્ર કેમ્પસને સાફ-સફાઈ કરવામાં આવી હતી.તદુપરાંત કલેકટરના તાબાના કેમ્પસમાં વર્ષોથી પડી રહેલ લારીઓને પણ જપ્ત કરવાની મેયરે સૂચના આપી હતી.આ દરમિયાન મેયર કેયુરભાઈ રોકડિયાએ જણાવ્યું હતું કે, ભારતની સૌ પ્રથમ આ લાઇબ્રેરીનું 1882માં લોકાર્પણ થયું હતું. આ હેરીટેઝ ઇમારતની જાળવણી તથા સ્વચ્છતા માટે સફાઇ ઝુંબેશ હાથ ધરવામાં આવી છે.હવે પ્રત્યેક સપ્તાહ દરમિયાન શહેરમાં આવેલી અલગ-અલગ હેરીટેઝ ઇમારતોની સફાઈ તથા જાળવણી ઝુંબેશ હાથ ધરાશે.અને ભવિષ્યમાં પર્યટન સ્થળ તરીકે વિકસાવવાના પણ પ્રયત્ન થશે.આ દરમિયાન સંસ્થા તથા સેવાભાવી લોકોને સહભાગી બનવા અપીલ છે.એક વર્ષમાં તમામ હેરિટેજ ઇમારતોની સફાઈનો લક્ષ્યાંક છે.હાલ મોટા ભાગની હેરિટેજ ઇમારતો કલેકટર, આર એમ ડી વિભાગ સરકાર હસ્તક છે.
