નવી દિલ્હી, તા. 30 એપ્રિલ 2022 : ઉત્તર પ્રદેશનાં બરેલી ખાતે દેશનાં અત્યાર સુધીનાં સૌથી મોટા સાઈબર ફ્રોડનો કેસ સામે આવ્યો છે.આરોપ છે કે, સાઈબર ઠગોએ દેશવાસીઓને 3000 કરોડથી વધુનો ચૂનો લગાવ્યો છે.બરેલીની સાઈબર પોલીસ સ્ટેશને આ ખુલાસો કરતાં પશ્ચિમ બંગાળનાં રહેવાસી સાઈબર ઠગ મંજરૂલ ઈસ્લામની ધરપકડ કરી છે.પોલીસની ધરપકડમાં આવેલાં મંજરુલ ઈસ્લામની ગેંગમાં એક બે નહીં પણ સેંકડો ઠગીઓ શામેલ છે.જેમને પકડવા માટે પોલીસ સતત પ્રયત્ન કરી રહી છે.હકીકતમાં જ્યારે દેશમાં લોકો કોરોનાના પ્રકોપનો સામનો કરી રહ્યા હતા.તે સમયે ઘણા લોકોએ તેમની નોકરી ગુમાવી હતી અને લોકો બેરોજગાર હતા.ત્યારબાદ સાયબર ઠગોએ તેનો ફાયદો ઉઠાવીને અમેઝોન, ફ્લિપકાર્ટ અને ઈ-વોલેટના નામે ઘરે બેઠા લોકોને રોજગારી આપવાનો ધંધો શરૂ કર્યો હતો.લોકો તેમની જાળમાં ફસાયા અને તેમના ખાતાની તમામ વિગતો ખૂબ જ સરળતાથી આપી દીધી હતી.તેનું પરિણામ આજે સૌની સામે છે.પોલીસના જણાવ્યા અનુસાર, અત્યાર સુધીમાં હજારો લોકો આ ગેંગની છેતરપિંડીનો શિકાર બની ચૂક્યા છે
સાયબર પોલીસ સ્ટેશનના ઈન્સ્પેક્ટર અનિલ કુમારે જણાવ્યું હતું કે, બહેરીના રહેવાસી એક શિક્ષકે ઓક્ટોબર 2021માં FIR નોંધાવી હતી.જેમાં તેમણે જણાવ્યું હતું કે, સાયબર ઠગોએ તેના ખાતામાંથી 2 લાખ રૂપિયાથી વધુની ચોરી કરી હતી.ત્યાર બાદ પોલીસે તપાસ શરૂ કરી તો સાયબર ફ્રોડ ચીન સાથે સંબંધિત હોવાનું જાણવા મળ્યું હતું.આ ઠગ ટોળકીમાં ચીનના રેયાન નામના યુવકનું નામ પણ સામે આવ્યું છે.
પોલીસે આ કેસમાં સૌથી પહેલા એક આરોપીની ધરપકડ કરી હતી, જેના ખાતામાં એક મહિનામાં 201 કરોડનું ટ્રાન્ઝેક્શન થયું હતું.તેના ખાતાની વિગતો લેવામાં આવે તો 2000થી વધુ પેજની વિગતો બહાર આવી છે.તે આરોપી જયદેવ મહારાષ્ટ્રની જેલમાં બંધ છે.જ્યારે પોલીસને મહિલાએ આપેલા એકાઉન્ટની વિગતો મેળવી તો ખબર પડી કે તેમાં મંજરૂલ ઈસ્લામ સામેલ છે ત્યારબાદ આરોપી મંજરુલની ધરપકડ કરવામાં આવી હતી.પોલીસના જણાવ્યા અનુસાર, ધરપકડ કરાયેલ આરોપી મંજરૂલ ગુરૂગ્રામ હરિયાણાથી ડોફિન કન્સલ્ટન્ટ સર્વિસ પ્રાઈવેટ લિમિટેડનો ડાયરેક્ટર બનીને સાયબર ફ્રોડના પૈસા પોતાના બિઝનેસ એકાઉન્ટમાં ટ્રાન્સફર કરતો હતો.
