મથુરા, તા. 07 મે 2022, શનિવાર : વ્રજભૂમિ મથુરામાં એક મોટો અકસ્માત થયો છે.પોલીસ સ્ટેશન નૌહઝીલ વિસ્તારમાં યમુના એક્સપ્રેસ-વે પર થયેલા ભયાનક અકસ્માતમાં 7 લોકોના મોત થયા છે અને 2 લોકો ગંભીર રીતે ઘાયલ થયા છે.મળતી માહિતી પ્રમાણે આ અકસ્માત માઈલ સ્ટોન 68 નજીક થયો હતો.યમુના એક્સપ્રેસ વે પર વેગન આર કાર અને અજાણ્યા વાહન વચ્ચે જોરદાર ટક્કર થઈ હતી.આ અકસ્માતમાં કારમાં સવાર 3 પુરુષ, 3 મહિલાઓ અને એક બાળકનું ઘટના સ્થળ પર મૃત્યુ થઈ ગયું હતું.મળતી માહિતી પ્રમાણે આ અકસ્માતમાં એક વ્યક્તિ અને એક બાળક ગંભીર રીતે ઘાયલ છે અને તેને સારવાર માટે હોસ્પિટલમાં દાખલ કરવામાં આવ્યા છે.અહેવાલ પ્રમાણે કારમાં સવાર લોકો હરદોઈથી દિલ્હી તરફ જઈ રહ્યા હતા.ત્યાં તેઓ લગ્ન પ્રસંગમાં જઈ રહ્યા હતા.અકસ્માત બાદ યમુના એક્સપ્રેસ વે પર અફરાતફરી મચી ગઈ હતી.
સીએમ યોગી આદિત્યનાથે પણ આ દુર્ઘટના બાદ દુઃખ વ્યક્ત કર્યું હતું.તેમણે મૃતકોના શોકગ્રસ્ત પરિવારો પ્રત્યે સંવેદના વ્યક્ત કરી હતી.આ સાથે અકસ્માતમાં ઘાયલ થયેલા લોકોને યોગ્ય સારવાર આપવા માટે નિર્દેશ આપ્યો છે.અકસ્માત બાદ મથુરા કન્ટ્રીસાઈડ એસપી શ્રીચંદે જણાવ્યું હતું કે, પોલીસ સ્ટેશન નૌહઝીલ વિસ્તારમાં યમુના એક્સપ્રેસ-વે પર વેગન આર કાર અને અજાણ્યા વાહન વચ્ચેની અથડામણમાં 7 લોકોના મોત થયા છે.મૃતકો હરદોઈના રહેવાસી હતા અને લગ્ન સમારોહમાં હાજરી આપવા જઈ રહ્યા હતા.
