બારડોલી : સુરત જિલ્લાના મહુવા તાલુકાનાં સણવલ્લા ગામની સીમમાંથી પસાર થતી કાકરાપાર ડાબા કાંઠા નહેરના પાણીમાંથી અજાણ્યા પુરુષનો મૃતદેહ મળી આવ્યો હતો.પોલીસે સ્થળ ઉપર પહોંચી મૃતદેહનો કબ્જો મેળવી આગળની કાર્યવાહી હાથ ધરી છે.
પ્રાપ્ત માહિતી મુજબ મહુવા તાલુકાના સણવલ્લા ગામની સીમમાંથી પસાર થતી કાકરાપાર ડાબા કાંઠાની માઇનોર નહેર ઉપર બનાવેલ દરવાજા વાળા પુલ પાસે નહેરના પાણીમાંથી અજાણ્યા પુરુષનો મૃતદેહ જોવા મળતા જે અંગે ગામના રીટાબેન પટેલે મહુવા પોલીસને જાણ કરતાં તેઓ તુરંત સ્થળ ઉપર આવ્યા હતા અને નહેરના પાણીમાંથી મૃતદેહ બહાર કાઢ્યો હતો.મૃતક યુવાન 25 થી 30 વર્ષની ઉંમરનો જણાતો હતો.અને તે નહેરમાં કોઇક જગ્યાએ આકસ્મિક રીતે પડી જવાથી નહેરના પાણીમાં ડુબી જઇ મરણ ગયેલ હાલતમાં તણાય આવ્યો હોય તેણે શરીરે સફેદ જેવા કલરનુ ઉભી લાઇનીંગ વાળુ લાંબી બાયનુ શર્ટ તથા કમ્મરે બ્લ્યુ કલરનો જીન્સ પેન્ટ પહેરેલ છે.તેમજ ડાબા હાથમાં રબરનો ફેન્ડશીપ બેલ્ટ ગુલાબી કલરનો મહાકાલ લખેલ પહેરલ છે.અજાણ્યા પુરુષના મૃતદેહનો કબ્જો લઈ મહુવા પોલીસે તેના વાલી વારસની શોધખોળ હાથ ધરી છે.
