મુંબઇ : બાઇક કે સ્કૂટર સવાર હેલ્મેટ પહેર્યા વગર નીકળે ત્યારે તરત જ દંડ ફટકારવા પોલીસ તત્પર રહે છે.પણ નવી મુંબઇમાં વાડ ચીભડાં ગળે એ ઉક્તિ મુજબ સીબીડી એરિયામાં હેલ્મેટ પહેર્યા વિના પેટ્રોલિંગમાં નીકળેલા બે પોલીસોનો ફોટો એક જાગૃત નાગરિકે ઝડપીને પોલીસ સત્તાવાળાને મોકલતા ટ્રાફિક પોલીસ વિભાગે ૫૦૦ રૃપિયા દંડ કર્યો હતો.વાશીના રહેવાસી ગઇ ૧૬મી મેએ સીબીડી વિસ્તારમાં હેલ્મેટ પહેર્યા વગર બાઇક પર જતા પોલીસોનો ફોટો ક્લિક કર્યો હતો.પહેલાં તેણે આ ફોટો મુંબઇના જોઇન્ટ પોલીસ કમિશનર વિશ્વાસ નાંગરે પાટીલને મોકલ્યોહતો.બે દિવસ થયા છતાં કોઇ કાર્યવાહી ન થતા ફરિયાદીએ આ ફોટો નવી મુંબઇના પોલીસ કમિશનરને મોકલ્યો હતો.ત્યાર બાદ ગઇકાલે ટ્રાફિક વિભાગે સંબંધિત પોલીસોને ૫૦૦ રૃપિયા દંડ કર્યો હતો,અને તેની પાવતી(રસીદ)નો ફોટો ફરિયાદીને મોકલવામાં આવ્યો હતો.
નવી મુંબઇમાં હેલ્મેટ વિના બાઇક પર પેટ્રોલિંગ કરતા પોલીસને દંડ
