ન્યૂયોર્ક : સ્પેસએક્સ અને ટેસ્લાના માલિક ઈલોન મસ્ક સામે એક યુવતીએ ગંભીર આરોપો લગાવ્યા છે.સ્પેસએક્સ કોર્પોરેટ ફ્લાઈટમાં કામ કરી ચૂકેલી એક યુવતીએ દાવો કર્યો છે કે ઈલોન મસ્કે ફ્લાઈટમાં તેની પાસે સેક્સની માગણી કરી હતી.કંપનીએ આ વાત જાહેર ન થાય તે માટે ૨.૫૦ લાખ ડોલર ચૂકવ્યા હતા.સ્પેસએક્સના માલિક ઈલોન મસ્ક સામે એક પૂર્વ કર્મચારીએ જ ગંભીર આરોપ મૂક્યો છે.એ યુવતીએ દાવો કર્યો હતોઃ ફ્લાઈટમાં મુસાફરી દરમિયાન ઈલોન મસ્કને મસાજ કરતી હતી.એ વખતે ઈલોન મસ્કે ઈરોટિક મસાજની માગણી કરી હતી અને સેક્સની ઈચ્છા વ્યક્ત કરી હતી.મસ્કના આ ગેરવર્તનથી કંપની સામે કેસ ન નોંધાય તે માટે સ્પેસ એક્સ કંપનીએ મોઢું રાખવાના બદલામાં ૨.૫૦ લાખ ડોલર ચૂકવ્યા હતા.યુવતી સ્પેસએક્સ કોર્પોરેટ ફ્લાઈટ્સમાં અટેન્ડન્ટ તરીકે કાર્યરત હતી.સ્પેસ એક્સની આ પૂર્વ કર્મચારીએ તો ત્યાં સુધી કહ્યું હતું કે ઈલોન મસ્કે તેને અયોગ્ય રીતે સ્પર્શ કર્યો હતો.ફ્લાઈટમાં મસ્કે મસાજ વખતે કંઈક વધારેની ડિમાન્ડ કરી હતી.૨૦૧૬માં આ ઘટના બની હોવાનું કહેવાયું હતું.ફ્લાઈટ અટેન્ડન્ટની એક મિત્રએ આ દાવો પીડિતાની સહી સાથે કર્યો હતો.એમાં પીડિતાએ બધી જાહેરાત કરી છે.એમાં દાવો થયો છે કે ફ્લાઈટ અટેન્ડન્ટને એવી જ તાલીમ આપવામાં આવી હતી કે તે મસાજ કરી શકે.ખાસ તો ઈલોન મસ્કને મસાજની જરૂર પડે ત્યારે સર્વિસ આપવા માટે તેને પ્રોત્સાહિત કરાતી હતી.જોકે,આ દાવાનો મસ્કે ટ્વિટરમાં જવાબ આપ્યો હતો.મસ્કે આ દાવાને પાયાવિહોણા ગણાવીને આ આરોપ સાબિત કરવાનો પડકાર ફેંક્યો હતો.ઈલોન મસ્કે તેની એક જૂની ટ્વીટ રિટ્વીટ કરતા લખ્યું હતુંઃ અંતે મારા પર આ આરોપ પણ લાગ્યો.મારા પર જે આરોપો છે તે તદ્ન પાયાવિહોણા છે.એક વર્ષ પહેલાં મસ્કે એક ટ્વીટમાં લખ્યું હતું કે હવે મારા પર કોઈ આરોપો લાગે તો એને કલ્પના ગણજો.એ જ ટ્વીટને મસ્કે રિટ્વીટ કરી હતી.ઈલોન મસ્કે આ આરોપને રાજકારણથી પ્રેરિત ગણાવ્યા હતા.
ઈલોન મસ્કે ફ્લાઈટમાં મસાજ કરતી યુવતી પાસે સેક્સની માગણી કરી હતી
