બારડોલી : સુરત જિલ્લાના કડોદરા ખાતે રહેતા યુવાનને ઓનલાઈન બોલેરો પિકઅપ ખરીદી કરવાનું ભારે પડ્યું હતું.યુવાને OLX પર બોલેરો પિકઅપના ફોટા જોય તેની નીચે આપેલ નંબર પર ફોન કર્યો હતો.અને અજાણ્યા વ્યક્તિ સાથે વાતચીત થયા બાદ આ યુવાને ઓનલાઈન 1,56,398 રૂપિયા ટ્રાન્સફર કર્યા હતા.ત્યારબાદ અજાણ્યા વ્યક્તિએ પોતે આર્મીમેન હોવાની ખોટી ઓળખ આપી આ યુવાનના ફોન ઉપડવાનું બંધ કરી દીધું હતું અને બોલેરો પિકઅપ પણ ન આપી છેતરપિંડી કરતાં યુવાને કડોદરા પોલીસ સ્ટેશનમાં ફરિયાદ નોંધાવી છે.
પ્રાપ્ત માહિતી મુજબ મૂળ યુ.પી ખાતે અને હાલ પલસાણા તાલુકાનાં કડોદરા ખાતે બાલાજીનગરમાં રહેતા અનિલકુમાર અવધેશકુમાર શર્મા નાઓએ ગત તા-6 ડિસેમ્બર 2021ના રોજ તેમના મોબાઈલ ફોનમાં OLX નામની એપ ઇન્સ્ટોલ કરેલ ત્યારબાદ તેણે OLX એપ પર બોલેરો પિકઅપ ગાડીનો ફોટો જોતાં ફોટા ઉપર ગાડીનો નંબર જીજે-06-એઝેડ-3519 નો હતો.અને જેની કિંમત રૂ,2.55 લાખ લખેલ હતી અને ગાડીના ફોટા નીચે મોબાઈલ નંબર લખ્યો હતો. જેથી અનિલકુમાર આ ગાડી લેવા ઇચ્છતા હોય જેથી તેમણે ગાડી નીચે લખેલ મોબાઈલ નંબર ઉપર ફોન કરતાં અજાણ્યા વ્યક્તિએ તેનું નામ શિવકાંત ત્રિપાઠી જણાવ્યુ હતું.અને એકૂયાંત નંબર આપેલ જેમાં ઓનલાઈન પૈસા નાખવા જણાવતા અનિલે પૈસા શિવકાંત ત્રિપાઠીના ખાતામાં જમા કરાવ્યા હતા.જેમાં એકાઉન્ટ હોલ્ડરનું નામ ટેકેન્દ્ર ટૂંડું લખેલ હતું.પૈસા જમા કરાવતા જ ગાડી બુક થઈ ગઈ હોવાનું જણાવ્યુ હતું.ત્યારબાદ આ અજાણ્યા વ્યક્તિએ જણાવ્યુ હતું કે ગાડી માટે ટ્રાન્સપોર્ટ ચાર્જ મોકલાવવાનું કહેતા અનિલે ફરી એકવાર ઓનલાઈન પૈસા ટ્રાન્સફર કરી આપ્યા હતા.અનિલે ટુકડે ટુકડે કરી 1,56,395 રૂપિયા ઓનલાઈન ટ્રાન્સફર કર્યા હતા.ત્યારબાદ અનિલે ગાડી માંગતા શિવકાંત ત્રિપાઠીએ ફોન ઉપાડવાનું બંધ કરી દીધું હતું.ત્યારબાદ અન્ય મોબાઈલ પરથી ફોન કરતાં શિવકાંત ત્રિપાઠીએ જણાવ્યુ હતું કે હું આર્મીમાં ફરજ બજાવું છું અને ખોટી ઓળખ આપી હતી.અને ગાડી ન મોકલી છેતરપિંડી કરતાં અનિલે કડોદરા પોલીસ સ્ટેશનમાં ફરિયાદ નોંધાવી છે.
