ન્યૂયોર્ક : એસએન્ડપી ૫૦૦ કંપનીઓનું સંચાલન કરતી મહિલાઓના પગાર ધોરણમાં ૨૦૨૧માં સુધારો નોંધાયો હતો.અર્થતંત્રમાં સુધારા અને કંપનીઓના શેરના ભાવો અને નફો સુધરતાં આ સ્થિતિ સર્જાઇ હોવાનું એક સર્વેમાં જણાવાયું છે.નિષ્ણાતો કહે છે કે જોકે કોર્પોરેટ ક્ષેત્રે મહિલા અને પુરુષોના પગાર ધોરણમાં રહેલી વિસંગતાને દૂર કરવાની જરૂર છે.આમ આ મોરચે સુધારા માટે હજુ ઘણું કરવાની જરૂર છે. ઓર્ગેનાઇઝેશનલ કન્સલ્ટિંગ ફર્મ કોર્ન ફેરીના સીઆઇ જેન સ્ટીવન્સને જણાવ્યું હતું કે મહિલા સીઆઇઓના પગારમાં વધારો થયો છે તે એક સારી બાબત છે,પરંતુ હજુ પણ તેમાં સુધારાની જરૂર છે.પગારના ધોરણમાં સુધારો થવો જોઇએ.એસએન્ડપી ૫૦૦ના તાજેતરના સર્વેમાં ૩૪૦ સીઇઓમાંથી ૧૮ મહિલાઓ સામેલ હતી,આ સંખ્યા ૨૦૨૦માં ૧૬ હતી.એસએન્ડપી ૫૦૦ કંપનીઓના નફામાં આશરે ૫૦ ટકાનો સુધારો થયો છે અને ઇન્ડેન્કસમાં આશરે ૨૭ ટકાનો વધારો થયો છે.મોટાભાગના સીઇઓનું વળતર કંપનીઓની કામગીરી સાથે જોડાયેલું હોવાથી તેમના પે પેકેજમાં પણ જંગી વધારો થયો હતો.
૨૦૨૧માં મહિલા સીઇઓના પગારમાં ૨૬.૪ ટકાનો વધારો થયો છે.જે ૧.૫૮ કરોડ ડોલર જેટલું છે.સર્વેમાં રહેલી ૧૮માંથી ૧૫ મહિલાના પગારમાં વધારો થયો છે.મીડિયનનો મતલબ અડધાથી વધુને એ સ્તરથી વધુ મળ્યું અને અડધાને તે સ્તરથી ઓછું મળ્યું.બીજી બાજુ પુરુષ સીઇઓના મીડિયન પેમાં વધુ વધારો થયો છે.જે ૧૭.૭ ટકા વધીને ૧.૪૪ કરોડ ડોલરે પહોંચ્યું છે.એકંદરે મીડિયન પે ૧૭.૧ ટકા વધીને ૧.૪૫ કરોડ ડોલર થયો છે.અમેરિકાની મોટી કંપનીઓના થોડાક મહિલા સીઇઓ સામાન્યપણે તેમના પુરુષ સાથીઓની સરખામણીએ વધુ પૈસા મેળવતી હોય છે.પરંતુ ગત વર્ષે તેઓ પે પેકેજમાં તેમનાથી વધુ રહી ન હતી.એડવાન્સ્ડ માઇક્રો ડિવાઇસિઝના લીઝા સૂ સતત ત્રીજા વર્ષે સૌથી વધુ પગાર મેળવતી મહિલા સીઇઓ છે.તેમના વળતરનું પેકેજ ૨.૯૫ કરોડ ડોલર રહ્યું હતું.પરંતુ સર્વેમાં તેમનો ક્રમ ૨૨નો રહ્યો છે.તેમના પગારમાં ગત વર્ષની સરખામણીએ નવ ટકાનો વધારો થયો હતો.હવે વંશીય વૈવિધ્ય સીઇઓની સંખ્યામાં પણ વધારો થઇ રહ્યો છે.સર્વે મુજબ એસએન્ડએએમપી ૫૦૦ અને ફોર્ચ્યુન ૫૦૦માં રહેલી કંપનીઓમાં ૨૦૨૧માં છ અશ્વેત સીઇઓ હતા,૪૦ સીઇઓ એશિયન અમેરિકન હતા અને ૨૦નું મૂળ લેટિન્ક્સ/હિસ્પેનિક હતું.
