મુંબઇ : લાંબા સમયથી કાળઝાળ ગરમી અને ઓગાળી નાખે એવા ઉકળાટથી ત્રાસેલા મુંબઇગરાઓને સાંજ પછી જોરદાર ઝાપટાં અને વરસાદ પડતા થોડી રાહત થઇ હતી.ખાસ તો પૂર્વ અને પશ્ચિમના પરા વિસ્તારમાં પવનના સૂસવાટા સાથે ઝાપટાં અને ઝરમર વરસાદ પડયોહતો.ચોમાસાના વિધિવત આગમન પહેલાંના આ પ્રી-મોન્સૂન શાવર્સ હોવાનું હવામાન ખાતાએ જણાવ્યું હતું.આજે સાંજ પછી પશ્ચિમના ઉપનગરો દહીસર,બોરીવલી,કાંદિવલી,મલાડ તેમજ પૂર્વના ઉપનગરો ઘાટકોપર,વિદ્યાવિહાર,વિક્રોલી,મુલુન્ડમાં વરસાદ પડયો હતો.
ચોમાસા પહેલાંના જોરદાર ઝાપટાંએ પરાં વિસ્તાર કપર વધુમહેર રી હતી.દહીંસરમાં સૌથી વધુ વરસાદ પડયો હતો.દહીંસરમાં ૫૦ મી.મી.(બેઈંચ)વરસાદ નોંધાયો હતો.બોરીવલીમાં ૩૭મી.મી.,વિક્રોલીમાં ૩૪ મી.મી.અને મુલુંડમાં ૩૩ મી.મી.વરસાદ નોંધાયો હતો.એમ બીએમસી કન્ટ્રોલરૂમે જણાવ્યું હતું.
બોરીવલીમાં એટલો વરસાદ તૂટી પડયો હતો કે ટ્રેનમાંથી ઉતરી ઘર તરફ જવાવાળા સંખ્યાબંધ લોકોની ભીડ પુલ અને સ્ટેશનના છાપરા નીચે જામી હતી.કારણ કે સવારે કામધંધે જવા નીકળેલા લોકો છત્રી લઇને નહોતા નીકળ્યા.એટલે તો આજે રિક્ષાવાળાને તડાકો પડયો હતો.વરસાદને લીધે વાતાવરણમાં ઠંડક પ્રસરી હતી.હવામાન ખાતાંના સૂત્રોના જણાવ્યા મુજબ આગામી કેટલાક દિવસો સૂધી પ્રિ મોન્સુન શાવર્સ ચાલુ રહેશે.ભારે વરસાદની સ્થિતિ તા.૨૦મી જુન પછી જ સર્જાય તેવી સંભાવના છે.
