બારડોલી : સોમવારે મોડી સાંજે 4 વાગ્યાના અરસામાં કડોદરા ચાર રસ્તા ખાતે પેટ્રોલપંપની બાજુમાં આવેલ સુરત ડીસ્ટ્રિક્ટ બેંકની કડોદરા શાખામાં એરઘન લઈને ઘુસેલા એક લુટારુ એ 4 કર્મચારીને બાનમાં લઈ માત્ર 4 મિનિટમાં 6.84 લાખની દિલધડક લૂંટ ચલાવી બેંકને મુખ્ય દરવાજાને તાળું મારી ફરાર થઈ ગયો હતો ઘટનાની જાણ કડોદરા પોલીસને થતા પોલીસનો કાફલો તેમજ સુરત જિલ્લા પોલીસ વડા હિતેશ જોયસર સહિતના ઉચ્ચ અધિકારીઓ કડોદરા ખાતેની ગુના ના સ્થળની વિઝીટ લઈ તાબડતોબ ગુનો ઉકેલાય તે દિશામાં પ્રયાસ હાથધર્યા હતા.કડોદરા ચારરસ્તા પર ભીડભાળ વાળી જગ્યાએ ધોળેદિવસે થયેલી દિલધડક લૂંટ થી કડોદરાની પ્રજામાં રીતસરનો ભય ફેલાયેલો જોવા મળ્યો હતો.
જિલ્લા પોલીસની વિવિધ એજન્સીઓ ગુનેગાર સુધી પહોંચવાની એડીચોટીનું જોર લગાવી રહી હોવાનું જાણવા મળ્યું હતુ ઘટના બાદ પોલીસે તપાસેલા વિવિધ CCTV ફુટેજમાં બહાર આવ્યું હતું કે લૂંટારું ઘટનાને અંજામ આપ્યા બાદ પેટ્રોલપંપ આગળથી કડોદરા ચાર રસ્તા પરની ચામુંડા હોટલની સામેથી દોડતો હાઇવે ક્રોસ બારડોલી તરફના રસ્તેથી એક રિક્ષામાં બેસીને હલધરું ગામના પાટિયા ઉતર્યો હતો જ્યાં તેણે પહેલેથી રાખેલી સાઇકલ લઈ હલધરું ગામના રસ્તા તરફ અંદાજીત ત્રણ કિલોમીટર બાદ આવતી આરાધના સોસાયટીમાં પાછળના ભાગે આવેલ પ્રેમદ્વાર સોસાયટીમાં ગેટ માંથી અંદર પ્રવેશી સોસાયટીને અડીને આવેલા એક ખેતરમાં સાઇકલ નાખી થોડે દુરે તેણે પહેરેલી ટીશર્ટ કાઢી ખેતરમાં નાંખી દીધી હતી જ્યાંથી ચાલતો ક્યાંક ફરાર થઈ ગયો હોવાનું પોલીસને CCTVની તપાસ દરમિયાન જાણવા મળ્યું હતુ પોલીસે ખેતર માંથી સાઇકલ તેમજ લૂંટારુએ પહેરેલી ટીશર્ટ કબ્જે કરી હોવાનું જાણવા મળ્યું છે આરોપી રીઢો ગુનેગાર હોવાથી પોતાની ઓળખ છુપાવવા તેમજ પોલીસથી બચવાના તમામ પ્રયાસો કર્યા હોવાનુ જાણવા મળ્યું હતુ
