નવી દિલ્હી : ઝાયડસ લાઈફસાયન્સીસે મંગળવારે કહ્યું હતું કે તેના ચેરમેન પંકજ આર.પટેલને રિઝર્વ બેન્ક ઓફ ઈન્ડિયા(RBl)ના સેન્ટ્રલ બોર્ડમાં પાર્ટ ટાઈમ નોન-ઓફિશિયલ ડિરેક્ટર તરીકે નિયુક્ત કરવામાં આવ્યા છે.કંપનીએ કહ્યું હતું કે કેબિનેટની અેપોઈન્ટમેન્ટ્સ કમિટી(ACC)એ પંકજ પટેલની આ પદ પર ચાર વર્ષમાટે નિમણૂક અંગેની દરખાસ્તને મંજૂરી આપી હતી.ઝાયડસના પંકજ પટેલ વિવિધ ઈન્સ્ટિટ્યૂશન્સના બોર્ડમાં છે,જેમાં ઈન્વેસ્ટ ઈન્ડિયાનો સમાવેશ છે.
આ ઉપરાંત મેમ્બર ઓફ ધ મિશન સ્ટીયરિંગ ગ્રુપ(MSG)ના બોર્ડમાં પણ તેઓ છે.આરોગ્ય અને કુટુંબ કલ્યાણ મંત્રાલય દ્વારા રચાયેલા ડ્રગ ટેકનિકલ એડવાઈઝરી બોર્ડમાં પણ તેઓ મેમ્બર છે.પંકજ પટેલ આઈઆઈએમ-ઉદયપુરના બોર્ડ ઓફ ગવર્નર્સ એન્ડ સોસાયટીના ચેરમેન છે.આઈઆઈએમ-અમદાવાદના બોર્ડ ઓફ ગવર્નર્સના પણ તેઓ મેમ્બર છે.અગાઉ 2016-17માં તેઓ ફેડરેશન ઓફ ઈન્ડિયન ચેમ્બર ઓફ કોમર્સ એન્ડ ઈન્ડસ્ટ્રી(FICCI)ના પ્રેસિડેન્ટ પણ રહી ચૂક્યા છે.
