બારડોલી : કડોદરા વિભાગ સિનિયર સિટીઝન જન સેવા ટ્રસ્ટની કારોબારી મીટિંગ ઉભેળ મુકામે મળી હતી જેમાં કોરોના કાળ દરમ્યાન પ્રમુખ સૂર્યકાંત રાવળનું અવસાન થતાં ખાલી પડેલી બેઠક માટે ચૂંટણી યોજાઇ જેમાં અર્જુનભાઈ પટેલની બિનહરીફ નિમણુક કરવામાં આવી હતી.કડોદરા વિભાગ સિનિયર સિટીઝન જન સેવા ટ્રસ્ટની કારોબારી મીટિંગ ઉભેળ મુકામે મળી હતી સભાની શરૂઆત મંત્રી રસીકભાઈ પટેલે ગત જનરલ મીટીંગનું વાંચન કર્યું હતું જેને સભાએ બહાલી આપતા સૌથી પહેલા કોરોના કાળમાં અવસાન પામેલા સંસ્થાના પ્રમુખ સૂર્યકાંત રાવળ ની ખાલી પડેલી બેઠક માટે ચૂંટણીનું કામ હાથ ઉપર લેતા પ્રમુખની બેઠક માટે અર્જુનભાઈ પટેલની દરખાસ્ત મનહરભાઈ છોટુભાઈ પટેલે કરતા જેને ટેકો કિરણભાઈ ઠાકોરભાઈ પટેલે આપતા અન્ય કોઈ ઉમેદવારી નહી આવતા અર્જુનભાઇ પટેલને બિનહરીફ પ્રમુખ તરીકે વરણી કરવામાં આવી આવી હતી તેમજ કામરેજની ખાલી પડેલ આમંત્રિત સભ્યની બેઠક માટે ઈશ્વર પરસોત્તમ પટેલનાં સ્થાને આમંત્રિત સભ્યમાંથી કિરણભાઈ ઠાકોરભાઈ પટેલની કારોબારી સભ્ય તરીકે વરણી કરવામાં આવી જ્યારે વાંકનેડા ગામના હમીરસિંહ ગોહિલના અવસાનથી ખાલી પડેલી બેઠક માટે આમંત્રિત સભ્ય તરીકે ચલથાણનાં રમેશ એમ ખંભાતીની નિમણુક કરવામાં આવી હતી.
આગામી તારીખ બીજી જુલાઈનાં રોજ સવારે 11 કલાકે ઓલ ગુજરાત સિનિયર સિટીઝન ફેડરેશનની મીટિંગ દાદા ભગવાન મંદિરે યોજાવા જઇ રહી છે તેની માહિતી સભામાં આપવામાં આવી હતી તેમજ ઓલ ઇન્ડિયા સિનિયર સિટીઝન ફેડરેશનની મીટિંગ મૈસુર મુકામે આગામી નવેમ્બર માસમાં થનાર છે તેની પણ જાણકારી મિટીંગમાં આપવામાં આવી હતી
