મુંબઈ : મુંબઈ ઝવેરી બજારમાં આજે સોનાના ભાવ આંચકા પચાવી ઘટયા મથાળે અથડાતા રહ્યા હતા સામે ચાંદીના ભાવમાં ઘટાડો આગળ વધ્યો હતો.વિશ્વ બજારમાં આજે સોનાના ભાવ ઔંશના ૧૮૩૯થી ૧૮૪૦ ડોલર આસપાસ અથડાતા રહ્યા હતા.
વૈશ્વિક ચાંદીના ભાવ જોકે ઔંશના ૨૧.૬૭થી ૨૧.૬૮ વાળા ૨૧.૬૪થી ૨૧.૬૫ ડોલર રહ્યાના નિર્દેશો હતા.અમદાવાદ ઝવેરી બજારમાં જો કે સોનાના ભાવ ૧૦ ગ્રામના રૂ.૧૦૦ ઘટી ૯૯.૫૦ના રૂ.૫૨૪૦૦ તથા ૯૯.૯૦ના રૂ.૫૨૬૦૦ રહ્યા હતા.જ્યારે અમદાવાદ ચાંદીના ભાવ કિલોના રૂ.૬૨૦૦૦ના મથાળે શાંત રહ્યા હતા.વિશ્વ બજારમાં પ્લેટીનમના ભાવ જો કે ઔંશના ૯૩૩થી ૯૩૪ વાળા વધી ૯૪૬થી ૯૪૭ ડોલર રહ્યા હતા જ્યારે પેલેડીયમના ભાવ ૧૮૧૮થી ૧૮૧૯ વાળા વદી ૧૮૨૫થી ૧૮૨૬ ડોલર રહ્યા હતા.
દરમિયાન,વિશ્વ બજારમાં આજે ક્રૂડતેલના ભાવ આંચકા પચાવી ઘટયા ભાવથી ધીમો સુધારો બતાવતા હતા.રશિયાના એનર્જી ઉત્પાદનોમાં ચીનની માગ રેકોર્ડ વધ્યાના નિર્દેશો હતા.ન્યુયોર્ક ક્રૂડના ભાવ બેરલદીઠ ૧૦૯.૫૬ વાળા ૧૧૦.૯૫ થઈ ૧૦૯.૯૮ ડોલર રહ્યા હતા.જ્યારેબ્રેન્ટ ક્રૂડના ભાવ ૧૧૩.૧૨ વાળા વધી ૧૧૪.૩૮ થઈ ૧૧૩.૩૦ ડોલર રહ્યા હતા.રશિયાથી ચીનમાં એનર્જી પેદાશોની આયાત ૧ અબજ ડોલર વધી ૭.૪૭ અબજ ડોલર થઈ છે.વિશ્વ બજારમાં કોપરના ભાવ તૂટતાં ચાંદીના વૈશ્વિક ભાવ દબાણ હેઠળ રહ્યા હતા.કોપરના વૈશ્વિક ભાવ આજે ગબડી નવ મહિનાના તળિયે ઉતર્યા હતા. કોપરના ભાવ તૂટી ટનના ૯૦૦૦ ડોલરની અંદર ઉતરી ગયા હતા.
મુંબઈ બજારમાં આજે સોનાના ભવા જીએસટી વગર ૯૯.૫૦ના રૂ.૫૦૮૦૧ તથા ૯૯.૯૦ના રૂ.૫૧૦૦૫ના મથાળે શાંત હતા.જ્યારે મુંબઈ ચાંદીના ભાવ જીએસટી વગર ઘટી રૂ.૬૦૯૭૯ રહ્યા હતા.કરન્સી બજારમાં આજે ડોલરના ભાવ રૂ.૭૮.૦૮ વાળા શનિવારે બંધ બજારે રૂ.૭૮.૦૧ થયા હતા તે આજે સવારે રૂ.૭૭.૯૫ ખુલી ઉંચામાં ભાવ રૂ.૭૮.૦૪ તથા નીચામાં રૂ.૭૭.૮૮ થઈ રૂ.૭૭.૯૮ના મથાળે બંધ રહ્યા હતા.
