બારડોલી : સુરતના ઓલપાડ તાલુકાના કીમ વિસ્તારમાં આજે તબાહીનો મંજર જોવા મળ્યો.સાંજના સમયે ધોધમાર વરસાદ વરસી રહ્યો હતો. અને અચાનક આવેલા ભારે પવને કીમ વિસ્તારના અનેક ઘરોને તહેસ નહેસ કરી નાખ્યા.જાણે કુદરતે તેનો કાળો કહેર બતાવ્યો હોય તેમ માત્ર ૫ મિનિટ જ આવેલા વાવાઝોડાએ કીમ વિસ્તારના રહીશોને જાણે હચ મચાવી દીધા હતા.કીમ વિસ્તારમાં થોડી જ મિનિટો માટે ફૂંકાયેલા ભારે પવને અનેક ઘરોના પતરા ઉડાવી દીધા ત્યારે આ ઘટનામાં કેટલાય લોકો ઇજાગ્રસ્ત પણ થયાં.અચાનક આવેલા ભારે પવનને કારણે કીમ-કઠોડરા માર્ગ ઉપર અનેક વીજ પોલો પણ ધરસાયી થયાં હતાં.ત્યારે કીમ વિસ્તારમાં વાવાઝોડાને પગલે અનેક સ્થળો પર વૃક્ષો ઘરસાયી થવાની ઘટના પણ સામે આવી હતી.
સુરત જિલ્લામાં બપોર બાદ વિવિધ વિસ્તારોમાં ભારે વરસાદ વરસ્યો હતો ત્યારે ઓલપાડના કીમ વિસ્તારમાં પણ ભારે પવન સાથે ધોધમાર વરસાદ વરસ્યો હતો.કીમ વિસ્તારમાં વરસાદ સાથે ફૂંકાયેલા પવને લોકોની દશા બગાડી નાખી હતી.અચાનક આવેલા ભારે પવને કીમ ગામના કેટલાય ઘરોને થોડા સમય માટે બેઘર કરી નાખ્યા હતા,ધોધમાર વરસાદ માં જ લોકોના ઘરોના પતરા હવામાં ઉડવા લાગ્યા હતા,કુદરતની આવેલી આ આફતને લઈ કીમ વિસ્તારમાં ભારે નાશ ભાગ મચી હતી.વાવાઝોડાને કારણે કેટલાય લોકો ઇજાગ્રસ્ત પણ થયાં હતાં ત્યારે આ સમગ્ર ઘટનામાં લોકોને ભારે નુકસાન પહોંચ્યું છે.
