સુરત : શહેરમાં ગાજયા મેઘ વરસ્યા નહીં તેવો ઘાટ થયો હતો.શહેરના એકમાત્ર રાંદેર-અડાજણ વિસ્તારમાં ૨ ઇંચ તેમજ બાકીના વિસ્તારોમાં છુટોછવાયો વરસાદ નોંધાયો હતો.સુરત શહેરમાં ભારે વરસાદની આગાહીના પગલે આજે સવારથી જ આકાશ વાદળોથી ધેરાવાની સાથે એકાચાર થતા આજે મેઘરાજા ઝાલ્યા ઝલાશે નહીં તેવો મુશળધાર વરસાદ વરસશે તેવુ વાતાવરણ બનાવ્યુ હતુ.પરંતુ આખો દિવસ આવુ જ વાતાવરણ જોવા મળ્યુ હતુ.ઝાઝો વરસાદ નોંધાયો નથી.આજે દિવસના બપોરે ૧૨ થી ૨ માં રાંદેર ઝોનમાં ૨ ઇંચ વરસાદ નોંધાયો હતો.જયારે બાકીના ઝોનમાં આખા દિવસમાં કતારગામ,સેન્ટ્રલ ઝોનમાં ૦.૫ ઇંચ,અઠવામાં છ મિ.મિ,લિંબાયત અને ઉધના અને વરાછા બીમાં ૩ મિ.મિ અને વરાછા એ માં ૨ મિ.મિ વરસાદી પાણી પડયુ હતુ.આખો દિવસ વાદળીયુ હવામાન સાથે વરસાદ ટપક ટપક થતા સુરત જાણે હિલ સ્ટેશન બન્યુ હોઇ તેવુ વાતાવરણ જોવા મળ્યુ હતુ.
રાંદેર ઝોનમાં બે કલાકમાં બે ઇંચ સિવાય અન્યત્ર છુટોછવાયો વરસાદ
