સાપુતારા : ડાંગ જિલ્લામાં અવરીત વરસી રહેલા મેઘરાજાએ સમગ્ર જિલ્લાને ધમરોળી નાખતા ભારે તારાજી સર્જી હતી.સાપુતારા માં ભારે વરસાદને પગલે અંબિકા નદીનું વહેણ માલેગામના સોમચંદભાઈ જાધવના ઘરમાં ઘૂસતા નુકસાન થયું હતું.અંબિકા નદીના કેચમેન્ટ એરિયામાં આવતા ડૂબાઉ નાળા દિવસભર પુર ના પાણી ફરી વળતા અનેક ગામો જિલ્લા મથકેથી સંપર્ક વિહોણા બન્યા હતા.સાપુતારા ઘાટમાર્ગમાં ઠેરઠેર તોતિંગ વૃક્ષો સહિત પથ્થરની શિલાઓ,ભેખડ ધસી પડતા વાહન વ્યવહાર સંપૂર્ણ ઠપ્પ થઈ જવા પામ્યો હતો.વઘઇ તાલુકાના ભેંસકાતરી પુલ પરથી પાણી ફરી વળતા કલાકો સુધી વાહન વ્યવહાર ઠપ્પ થઈ જવા પામ્યો હતો.જિલ્લાભર માં ભારે વરસાદને પગલે શાળા મહા શાળાઓમાં રજા જાહેર કરવામાં આવી હતી.સાપુતારાનું જીવોદોરી સમાન સર્પગંગા તળાવ પણ ઓવરફ્લો થતા સ્થાનિકો સહિત પ્રવાસીઓમાં ખુશી છવાઈ જવા પામી હતી
