એમસ્ટર્ડમ : યુરોપના દેશ નેધરલેન્ડની સંસદ વર્ક ફ્રોમ હોમને કાયદાકીય અધિકારનું સ્વરૂપ આપવા જઈ રહી છે.ગત સપ્તાહે સંસદના નીચલા ગૃહમાં આ માટે એક બિલ પસાર કરવામાં આવ્યું છે.હવે વર્ક ફ્રોમ હોમના કાયદા માટેના બિલને સંસદનું ઉપલું ગૃહ એટલે કે સેનેટની મંજૂરીની રાહ જોઈ રહી છે.અહીંયા નોધવું રહ્યું કે,નેધરલેન્ડમાં કંપનીઓ હાલ કારણ વગર કર્મચારીઓની વર્ક ફ્રોમ હોમની રિકવેસ્ટ ફગાવી રહી છે,પરંતુ આ કાયદો પસાર થયા બાદ કંપનીઓએ રિકવેસ્ટ ફગાવવાનું કારણ રજૂ કરવું પડશે.
વોલ સ્ટ્રીટ જર્નલના રિપોર્ટ મુજબ,ગ્રોએનલિંક્સ પાર્ટીની સેના માટોંગ કહ્યું કે,આ બિલ પાસ થવાથી કર્મચારીઓને પોતાના જીવનમાં સંતુલન રાખવામાં મદદ મળશે.સાથે જ ટ્રાવેલિંગમાં લાગતો સમય પણ બચશે.સાન માટોંગ આ બિલ તૈયાર કરનાર સાંસદોની સમિતિના સભ્ય પણ છે.2015માં નેધરલેન્ડની સંસદમાં ફ્લેક્સિબલ વર્કિંગ એક્ટ લાવવામાં આવ્યો હતો.આ બિલમાં કર્મચારીઓ કામના કલાક,શેડ્યુઅલ અને કામકાજના સ્થળમાં ફેરફાર માટે વિનંતી કરી શકે છે.હવે વર્ક ફ્રોમ હોમનું બિલ પાસ થવા જઈ રહ્યું છે,જે 2015ના બિલનું વિસ્તરણ છે.નેધરલેન્ડની સંસદમાં જ્યારે આ બિલ પાસ થયું છે,ત્યારે દુનિયાભરની કંપની પોતાના કર્મચારીઓને પરત ઓફિસ બોલાવી રહી છે.
અહીંયા નોંધવું રહ્યું કે,યુરોપીય દેશોમાં કોરોના મહામારી પહેલાંથી વર્ક ફ્રોમ હોમનું કલ્ચર રહ્યું છે.યુરોસ્ટેટના રિપોર્ટ અનુસાર નેંધરલેન્ડમાં કોરોના મહામારી પહેલા પણ 14 ટકા લોકો વર્ક ફ્રોમ કરતા હતા. 2020માં કોરોના મહામારીના પીક પોઈન્ટે પહોંચી,ત્યાર બાદ વર્ક ફ્રોમ હોમના કલ્ચરમાં વિક્રમજનક ઉછાળો નોંધાયો છે.
