સાપુતારા : ડાંગ જિલ્લામા છેલ્લા ત્રણ દિવસ થી જલપ્રલય ની પરિસ્થિતિ બાદ પણ આદિજાતિ વિભાગની ઘોર બેદરકારી બહાર આવવા પામી છે.મંગળવારે સંબેલાધર વરસાદ ને પગલે મહાલ ખાતે આવેલ એકલવ્ય મોડેલ રેસીડેન્સી સ્કૂલમાં પૂર્ણા નદીના ધસમસતા પૂર નું પાણી સ્કૂલ મા ઘુસી જતા અફડા તફડી નો માહોલ સર્જાયો હતો,જોકે સ્કૂલ બિલ્ડીંગ ત્રણ માળ ની હોય વિધાર્થીઓ સમયસર ઉપલા માળે જતા રહેતા બચાવ થયો હતો,જયારે ઓફિસ નો સામાન પલળી જતા નુકસાન થયું હતું.
ડાંગ જિલ્લા માં છેલ્લા ત્રણ દિવસ થી અતિવૃષ્ટિ ના પગલે તત્ર એ સ્કૂલ માં રજા જાહેર કરી હતી,પરંતુ મહાલ ખાતે આવેલ એકલવ્ય મોડેલ રેસીડેન્સી સ્કૂલ પૂર્ણા નદી ના કાંઠે આવેલ હોવા છતાં સ્કૂલ મેનેજમેન્ટ દ્વારા અગમચેતી ના પગલાં લીધા વગર સ્કૂલ છત્રાલય માં વિદ્યાર્થી ઓને રાખી મુકતા અચાનક પૂર્ણા નદીમાં આવેલા પૂર થી ધસમસ્તો પાણી નો પ્રવાહ સ્કૂલ બિલ્ડીંગ માં ચાર ફૂટ જેટલું ચડી આવતા વિદ્યાર્થી ઓમાં અફડા તફડી મચી જવા પામી હતી.
ભારે વરસાદ ને પગલે વીજ પુરવઠો,અને ટેલિફોન સેવા બંધ થઈ જતા વન વિભાગે જિલ્લા મથકે વાયરલેસ મેસેજ કરતા વહીવટી તંત્ર માં દોડધામ મચી હતી.ત્યારબાદ વરસાદે થોડો વિરામ લેતા પૂર ના પાણી ઓસરતા પ્રયોજના વહીવટદાર ભગોરા,ધારાસભ્ય વિજયભાઈ પટેલ,મહામંત્રી રાજેશભાઈ ગામીત,ભેંસકાતરી રેન્જ ફોરેસ્ટર સહીત સ્ટાફ ધસી જઈ રાહત કામગીરી હાથ ધરી હતી.આ સ્કૂલમાં 300 બાળકો અભ્યાસ કરી રહ્યા છે.
