– સાઈડવે સ્કાયસ્ક્રેપર ‘મિરર લાઈન’ એક રણ શહેર ‘નિઓમ’નો ભાગ હશે, તેમાં બે 1600 ફૂટ ઉંચી ઈમારતનો સમાવેશ થશે
રિયાદ, તા. 25 જુલાઈ 2022, સોમવાર : સાઉદી અરેબિયા 800 અબજ પાઉન્ડ (રૂ. 766 અબજ)ના ખર્ચે
‘સાઈડવે સ્કાયસ્ક્રેપર’ બનાવવાની યોજના બનાવી રહ્યું છે.આ ઈમારત લગભગ 120 કિલોમીટર લાંબી હશે.દાવો કરવામાં આવી રહ્યો છે કે, તેમાં 50 લાખ લોકો રહેશે.આ પ્રોજેક્ટને ‘મિરર લાઈન’ નામ આપવામાં આવ્યું છે, કારણ કે તેના નિર્માણમાં મિરરનો ઉપયોગ કરવામાં આવશે.એવું કહેવામાં આવી રહ્યું છે કે, તેની આકાર લગભગ મેસેચ્યુસેટ્સ જેટલી હશે અને તે એમ્પાયર સ્ટેટ બિલ્ડીંગ કરતા પણ ઉંચી હશે.
અહેવાલ અનુસાર, સાઉદી ક્રાઉન પ્રિન્સ મોહમ્મદ બિન સલમાને જાન્યુઆરી 2021માં આ વિશાળ ઈમારતને લઈને પોતાની યોજના જાહેર કરી હતી.સાથે જ ઈજિપ્તના પિરામિડની તર્જ પર સાઉદી અરેબિયાએ પોતાના પિરામિડ બનાવવાના હેતુ અંગે જણાવ્યું હતું.આયોજકો આ પ્રોજેક્ટના ખર્ચ પર સવાલ ઉઠાવી રહ્યા છે.તેઓ પૂછે છે કે, શું લોકો મહામારી બાદ મર્યાદિત જગ્યામાં રહેવા માટે તૈયાર થશે.
– 50 વર્ષમાં ઈમારતો તૈયાર થઈ જશે
સાઈડવે સ્કાયસ્ક્રેપર ‘મિરર લાઈન’ એક રણ શહેર ‘નિઓમ’નો ભાગ હશે.તેમાં બે 1600 ફૂટ ઉંચી ઈમારતનો સમાવેશ થશે.જે રણમાં એકબીજાની સમાંતર હશે.તેને બનાવવામાં 50 વર્ષનો સમય લાગશે.આ એટલા લાંબા હશે કે એન્જિનિયરોને પૃથ્વીની વક્રતાને ધ્યાનમાં લેવા માટે સ્ટ્રટ્સની જરૂર પડશે. તેની પોતાની હાઈ-સ્પીડ રેલ્વે લાઈન હશે.
– આ પ્રોજેક્ટ અકાબાના અખાતમાંથી પસાર થશે
અહેવાલ અનુસાર, વિશાળ પ્રોજેક્ટ દેશના પશ્ચિમમાં અકાબાના અખાતમાંથી પર્વતમાળા અને રણમાંથી પસાર થશે.
– આ ઈમારતમાં ઘરો અને ખેતરો હશે
આ ઈમારતમાં એક છેડેથી બીજા છેડા સુધી જવા માટે 20 મિનિટ લાગશે.તે પુનઃપ્રાપ્ય ઊર્જા દ્વારા સંચાલિત કરવામાં આવશે.તેમાં મીલોની હરિયાળી અને ઘરો અને ખેતરો પણ હશે જ્યાંથી 50 લાખ લોકો ભોજન મેળવી શકશે.અહીં રહેતા લોકોએ દિવસમાં 3 સમયના ભોજન માટે ઈમારતમાં સબ્સ્ક્રિપ્શન લેવું પડશે.પ્રિન્સ મોહમ્મદ બિન સલમાને જણાવ્યું હતું કે, આ ઈમારત કાર્બન ન્યુટ્રલ હશે અને તેનું પોતાનું સ્ટેડિયમ જમીનથી 1,000 ફૂટ ઉપર હશે.
