ખરાબ ગુણવત્તા હોવાને લીધે સ્પેને 9000 કિટ ચીનને પાછી મોકલી
ચીન નથી ઇચ્છતુ કે આ વૈશ્વિક મહામારીનો સમય બેકાર જાય એટલાન્ટિક કાઉન્સિલના યૂરેશિયા
એજન્સી, મેડ્રિડ
ચીનમાં પેદા થયેલો કોરોના વાયરસ દુનિયાભરના દેશોને ઝપેટમાં લઇને તેમની કમર તોડી રહ્યો છે, એવામાં ચીને ઘાતક કોરોના વાયરસ પર કાબૂ મેળવી લીધો હોવાનો દાવો કરતા કોરોનાથી પ્રભાવિત અન્ય દેશો સાથે વેપાર કરી કમાણી કરવાનુ શરુ કર્યુ છે. ચીને મદદના નામ પર કમાણીની શરુઆત સ્પેન સાથે બચાવ અને મેડિકલ સંસાધનોની મોટી ડીલ કરીને કરી છે. કોરોના વાયરસથી સૌથી વધારે પ્રભાવિત દેશોમાં સામેલ એવા સ્પેનને ચીને 3,456 કરોડ રુપિયાના મેડિકલ સંસાધનો વેચ્યા છે. જેમાં બોગસ મટેરિયલનો ઉપયોગ કર્યો છે.
વિદેશી મામલાના નિષ્ણાત ગોર્ડન ચાંગનું કહેવુ છે કે, ચીન એના પૈસા, મેડિકલ ઉપકરણો અને ડોક્ટર તથા પેરા મેડિકલ સ્ટાફનો ઉપયોગ કરીને દુનિયાને બતાવવાનું કામ કરી રહ્યુ છે કે, જે સમયે અમેરિકા જેવી મહાસત્તા કોરોના વાયરસ સામે નબળુ સાબિત થઇ રહ્યુ છે, એવામાં ચીન તેના મિત્રો દેશોની મદદ કરી રહ્યુ છે.
એટલાન્ટિક કાઉન્સિલના યૂરેશિયા સેન્ટરમાં સીનિયર અધિકારી દિમિતર બેચેવનું કહેવુ છે કે ચીન નથી ઇચ્છતુ કે આ વૈશ્વિક મહામારીનો સમય બેકાર જાય. તેમના કહેવા મુજબ ચીન પર આ મહામારી પેદા કરવાનો અને ફેલાવવાના આરોપ લાગી રહ્યા છે, એવામાં ચીન દુનિયાનો દ્રષ્ટિકોણ બદલવાની સાથે નફો પણ કમાઇ રહ્યુ છે.
સ્પેનના સ્વાસ્થ મંત્રી સેલ્વાડોરે વબુધવારે જાહેરાત કરી હતી કે, સ્પેન સરકારે 3,456 કરોડ રુપિયામાં ચીન પાસેથી 950 વેન્ટીલેટર, 55 લાખ ટેસ્ટિંગ કિટ્સ, 1.1 કરોડ ગ્લોવ્સ, 50 કરોડથી વધારે માસ્ક ખરીદ્યા છે, અલપેસની રિપોર્ટ મુજબ મેડિકલ સંસાધનો પહોંચતાની સાથે જ સ્પેનએ ખરાબ મટેરિયલ ક્વોલિટી હોવાને કારણે 9,000 કોરોના ટેસ્ટ કિટ ચીનને પરત મોકલી હતી. જે પછી ચીને સ્વીકાર કર્યો હતો કે તેણે આ કિટ્સ ચીની કંપની બાયોઇઝી પાસેથી ખરીદી હતી. આ કંપની પાસે કોરોના ટેસ્ટ કિટ્સ બનાવવાનું લાયસન્સ સુદ્ધા નથી.
સ્પેનના સ્વાસ્થ મંત્રાલય મુજબ ગુરુવારે ચીને ઇટાલીમાં પોતાના 300 ઇન્ટેસિવ કેર ડોક્ટર્સની ટીમ મોકલી હતી. આ દરમિયાન ઇટાલીએ તેના અમેરિકા સાથે કરેલા કરારને રદ કર્યા છે. આ સંકટ સમયમાં ઇટાલી જેવો દેશ ચીન, રશિયા અને ક્યૂબા પાસે મદદ માંગી રહ્યો છે.
કોરોના વાયરસ પર કાબૂ મેળવી લીધો હોવાનો દાવો કરી રહેલા ચીને જાહેરાત કરી હતી કે આ મહામારીમાં તે વિશ્વના 82 દેશોને મેડિકલ સંસાધનો આપશે, પરંતુ સ્પેન અન ઇટાલીના અનુભવો પરથી સ્પષ્ટ થઇ ગયુ છે કે ચીન તમામ મેડિકલ સંસાધનોનો સપ્લાય પૈસા વગર નહીં કરે. તે દરેક મદદની કિંમત વસૂલ કરશે જ. કોરોનાના પ્રકોપ દરમિયાન ચીનમાં ઘરે-ઘરે રોબોટ્સ દ્વારા દવા અને જરુરી વસ્તુઓ મોકલવામાં આવી હતી. આ રોબોટ્સની વિશ્વસ્તરે માંગ વધી રહી છે.
