કોરોના વાયરસ મહામારી હાલ ભારત સહિત સમગ્ર દુનિયાને હચમચાવી રહી છે તેને પહોંચી વળવા માટે દુનિયાના અલગ અલગ ભાગોમાં લોકડાઉન જાહેર કરાયું છે. ભારતમાં પણ પીએમ નરેન્દ્ર મોદીએ 21 દિવસનું લોકડાઉન જાહેર કર્યું છે. હવે કેમ્બ્રિજ વિશ્વવિદ્યાલયના ભારતીય એવા એક નવા ગાણિતીક મોડલ સામે આવ્યું છે જેમાં ભારતમાં 49 દિવસ માટે સંપૂર્ણ દેશવ્યાપી લોકડાઉન કે પછી બે મહિનામાં સમય સમય પર છૂટ સાથે સતત લોકડાઉનની વાત કરવામાં આવી રહી છે. જેની પાછળનું મુખ્ય કારણ ભારતમાં કોરોના વાયરસ ફરીથી આવે નહિં તે માટે જરૂરી ગણાવ્યું છે.
ભારતમાં 21 દિવસનું લોકડાઉન અસરકારક નહિં રહે
વિશ્વવિદ્યાલયમાં મેથેમેટિક્સ અને સૈદ્ધાંતિક ભૌતિકી વિભાગના રાજેશ સિંહ દ્વારા લખાયેલા રિસર્ચ પેપરમાં જણાવાયું છે કે ભારત સરકારે જે 21 દિવસનું લોકડાઉન જાહેર કર્યું છે તે અસરકર્તા રહે તેવી શક્યતા નથી અને તેના અંતમાં કોરોના ફરીથી માથું ઉચકશે. દેશમાં કોવિડ-19 મહામારી પર સોશિયલ ડિસ્ટન્સિંગના પ્રભાવના આકલનનું કદાચ આ પહેલું મોડલ છે જેમાં ભારતીય વસ્તીની ઉમર અને સોશિયલ કોન્ટેક્ટ સ્ટ્રક્ચરને દાખલ કરાયું છે. રિસર્ચ પેપરનું ટાઈટલ છે “એઝ સ્ટ્રક્ચર્ડ ઈમ્પેક્ટ ઓફ સોશિયલ ડિસ્ટન્સિંગ ઓફ ધ કોવિડ-19 એપિડેમિક ઈન ઈન્ડિયા”.
વય આધારિત કરાયો એસઆઇઆર મોડલનો અભ્યાસ
સંશોધિત સોશિયલ ડિસ્ટરન્સિંગ ઉપાયો-કાર્યસ્થળમાં ગેરહાજરી, શાળા બંધ કરવા, લોકડાઉન, અને તેની સમયમર્યાદાની સાથે તેના અસરની તપાસ કરાઇ છે. નિષ્ણાતે ભારતમાં કોવિડ-19 મહામારીના વધવાના અભ્યાસ કરવા માટે સર્વે અને બેઝન ઈમ્પ્યુટેશનથી પ્રાપ્ત સોશિયલ કોન્ટેક્ટ મેટ્રિસિઝ સાથે એ વય આધારિત સંરચિત એસઆઈઆર મોડલનો ઉપયોગ કર્યો.
કોરોનાને અટકાવવાના ઇલાજ (રસી)ના અભાવમાં સોશિયલ ડિસ્ટેંસિંગ સૌથી શ્રેષ્ઠ
નિષ્ણાતોએ લખ્યું કે સોશિયલ કોન્ટેક્ટએ ગંભીર રીતે સંક્રમણના ફેલાવામાં વધારો કરે છે અને કોરોના વાયરસ રસીના અભાવમાં મોટા પાયે સોશિયલ ડિસ્ટેંસિંગના ઉપાયોના માધ્યમથી આ સંરચનાઓનું નિયંત્રણ વાયરસને ડામવા માટે સૌથી પ્રભાવી ઉપાય છે. કોરોનાના વાયરસને રોકવા માટે અસરકારક ઉપાય તરીકે ભારતમાં 24 માર્ચની મધરાતથી 21 દિવસ માટે લોકડાઉન કરવામાં આવ્યું છે.
