– જાહેરાત કરનાર હીરા ઉદ્યોગપતિ દિલીપભાઈ ઢાપા ભાજપમાં જોડાયા
– ભાજપ પ્રદેશ અધ્યક્ષ સી.આર.પાટીલે કેસરીયો પહેરાવી ભાજપમાં આવકાર્યા
રાજ્યમાં એક બાજુ નવરાત્રીનો માહોલ જામ્યો છે તો બીજી બાજુ રાજકીય માહોલ પણ જામ્યો છે.કારણ કે થોડા જ સમયમાં રાજ્યમાં વિધાનસભાની ચૂંટણી આવી રહી છે.ત્યારે રાજકીય પક્ષો એકશન મોડમાં આવી ગયા છે.આ વખતની ચૂંટણીમાં ત્રીપાખીંયો જંગ ખેલાશે.પરંતુ હાલ તો ખાસ ટક્કર સત્તા પક્ષ ભાજપ અને આમ આદમી પાર્ટી વચ્ચે દેખાઇ રહી છે.ત્યારે ભાજપનો ગઢ ગણાતા સુરતમાં આમ આદમી પાર્ટીનો પ્રચાર ન કરવા પર એક વિડીયો સામે આવ્યો હતો.ત્યારે આ જાહેરાત કરનાર ઉદ્યોગપતિનું ભાજપ દ્વારા સન્માન કરવામાં આવ્યું છે.
થોડા સમય પહેલા સોશિયલ મિડીયા પર એક વિડીયો વાયરલ થયો હતો.જેમાં હિરાના કારખાનામાં કામ કરતા લોકોને કહેવામાં આવી રહ્યુ હતુ કે આમ આદમી પાર્ટીનો પ્રચાર કોઇએ કરવો નહીં.મોબાઇલમાં સ્ટેટસ પણ મૂકવા નહીં.અને જો આમ કરવામાં આવશે તો નોકરી પરથી છુટા કરી દેવામાં આવશે.આ વિડીયો સોશિયલ મિડીયા પર વાયરલ થયો હતો.જ્યારે હવે આ જાહેરાત કરનાર સુરતના હીરા ઉદ્યોગપતિ દિલીપભાઇ ઢાપા હતા.જેને હવે કેસરીયો ધારણ કર્યો છે.પોતાના કારખાનામાં રેવડી વેચનારની પાર્ટીનો પ્રચાર નહીં કરવાનો તેમજ જો કોઈ કરશે તો તેમને નોકરીમાંથી છુટા કરવામાં આવશે.તેવી જાહેરાત કરનાર હીરા ઉદ્યોગપતિ દિલીપભાઈ ઢાપાનું પ્રદેશ કાર્યાલય કમલમ્ ખાતે ભાજપામાં સ્વાગત કર્યું હતુ.ભાજપ પ્રદેશ અધ્યક્ષ સી.આર.પાટીલે કેસરીયો પહેરાવી ભાજપમાં આવકાર્યા હતા.
અત્રે ઉલ્લેખનીય છે કે રાજ્યમાં આમ આદમી પાર્ટી લોકો સુધી પહોંચવા માટે તનતોડ મહેનત કરી રહી છે.સાથે જ સત્તા પક્ષ ભાજપ માટે અનેક પડકાર પણ લાવી રહી છે.ત્યારે બન્ને વચ્ચે ખરાખરીનો જંગ જોવા મળશે
