ગુજરાતના પૂર્વ નાણામંત્રી અને કર્ણાટકના પૂર્વ રાજ્યપાલ અને સૌરાષ્ટ્રના ભાજપના મોટા નેતા વજૂભાઈ વાળાએ પોતાના પર્સનલ સેક્રેટરી તેજસ ભટ્ટી માટે રાજકોટની ટિકિટ માગી છે.પાર્લામેન્ટરીની બેઠકમાં તેઓ તેમની ભલામણ કરવા ગયા હતા.તેમની રજૂઆત સાંભળીને ગૃહમંત્રી અમિત શાહ સહિતના તમામ નેતાઓ સ્તબ્ધ થઈ ચોંકી ઉઠ્યા હતા.વધુ આઘાત લાગે તેવી વાત એ છે કે, વજૂભાઈ વાળાથી ખુબ જ જૂનિયર ગણાતા ભાજપના પ્રદેશ પ્રમુખ સી.આર.પાટિલને મળવા તેમના બંગલે ગયા હતા. જ્યાં તેઓએ પોતાના PA માટે ટિકિટ માગી હતી.કોબા ખાતે ભાજપના કાર્યાલય કમલમ ખાતે ત્રણ દિવસની પ્રદેશ પાર્લામેન્ટરી બોર્ડની મીટીંગ મળી હતી. વિવિધ જિલ્લાઓમાંથી જે દાવેદારોએ દાવેદારી નોંધાવી હતી અને બોયોડેટા આપ્યા હતા તે તમામ વિગતો લઈને નિરિક્ષકો કમલમ ગયા હતા.જ્યાં તેઓએ રિપોર્ટ આપ્યો હતો.તેમજ કેટલાક નામોની ભલામણ કરી હતી.પરંતુ 85 વર્ષના સિનિયર નેતા વજૂભાઈ વાળાને કમલમમાં જોઈ બધાને આશ્ચર્ય થયું હતું.જો કે, વજૂભાઈએ જ્યારે પોતાના પીએ માટે રાજકોટની બેઠક માટે ટિકિટ આપવાની ભલામણ કરી ત્યારે હાજર સૌ નેતાઓના પગ તળેથી જાણે જમીન ખસી ગઈ હતી.
નેતાઓ સ્તબ્ધ : વજુભાઈ વાળા પર્સનલ સેક્રેટરીની ભલામણ માટે કમલમ પહોંચ્યા, પાટીલને પણ બંગ્લે મળી આવ્યા
