નવી દિલ્હી,તા. 25 નવેમ્બર 2022, શુક્રવાર : એક 10 મહિનાનો જર્મન શેફર્ડ, માર્વલ એક સિવિલ એન્જિનિયર રજત પરાશર સાથે ભારત જોડો યાત્રાની બાઇક ટ્રીપ પર છે,જેઓ ખાતરી કરવા માંગે છે કે, જો રાહુલ ગાંધી સત્તામાં આવે તો પ્રાણીઓના અધિકારો સુનિશ્ચિત કરે.રાહુલ ગાંધીની મુલાકાતમાં સામેલ થવા માટે રજત મધ્યપ્રદેશ પહોંચી ગયા છે.રાહુલ ગાંધીની ભારત જોડો યાત્રામાં અનેક રાજ્યના નાના મોટા લોકો તેમજ નેતાઓ અને અભિનેત્રીઓ જોડાઇ રહ્યાં છે.ત્યારે આ યાત્રામાં એક શ્વાનનું જોડાવુ રસપ્રદ છે.
જો કે માર્વેલ અને રજત એક વખત કાશ્મીરથી કન્યાકુમારી સુધી ક્રુઝ કરી ચૂક્યા છે. પરંતુ આ વખતે એક ખાસ સંદેશ અને કારણ સાથે પોતાની આ યાત્રા કરવા માંગે છે. રજત પરાશર,સિવિલ એન્જિનિયર છે,જેઓ ખાતરી કરવા માંગે છે કે માર્વેલ જ્યાં સુધી જીવે છે ત્યાં સુધી તે સારી રીતે જીવી શકે અને જીવનનો આનંદ માણી શકે.
રજત જાણવા માંગે છે કે, રાહુલ ગાંધી પ્રાણીઓ વિશે શું વિચારે છે,તેઓ પ્રાણીઓ માટે આગળ શું કરવા માંગે છે? જ્યારે રાહુલ ગાંધી આ વાત કહેશે,ત્યારે જ યુવાનોને ખબર પડશે કે, તેઓ તેમના જેવા યુવાનો માટે શું અને કેવી રીતે વિચારી રહ્યા છે.તેમનું કહેવું છે કે, તેઓ રાહુલ ગાંધીને મળવાના તમામ પ્રયાસો કરશે,જેથી તેઓ પોતાની વાત રાહુલ ગાંધીને જણાવી શકે.
