પાટીદાર અગ્રણી અને હીરા ઉદ્યોગપતિ મુકેશ પટેલ વડાપ્રધાન નરેન્દ્ર મોદીને મળવા માટે સર્કિટ હાઉસ પહોંચ્યા હતાં.મુકેશ પટેલની સાથે ગૃહમંત્રી હર્ષ સંઘવી પણ જોડાયા હતાં.પાટીદાર અગ્રણી મુકેશ પટેલ લેબગ્રોન ડાયમંડ સાથે સંકળાયેલા છે.મુકેશ પટેલ વડાપ્રધાન નરેન્દ્ર મોદીના નજીક મનાય છે.છાસવારે તેઓ દિલ્હીમાં વડાપ્રધાનને મળતાં હોય છે.ત્યારે આ વખતે વરાછા અને કતારગામમાં નારાજ પાટીદારને મનાવવા માટે મથતા નરેન્દ્ર મોદીની સાથે મુકેશ પટેલ બંધ બારણે ઉદ્યોગપતિઓ સાથે વીડિયો કોલ અને ટેલિફોનિક રીતે સંપર્ક કરાવ્યો હોવાનું પણ સુત્રો દ્વારા કહેવામાં આવી રહ્યું છે.
પાટીલ અને સંઘવી ડેમેજ કંટ્રોલ ન કરી શક્યા
પાટીદારોના ગઢ ગણાતા સુરતમાં ભાજપે પોતાની તમામ બેઠકો જાળવી રાખવા માટે કમર કસી છે.હવે ખુદ પીએમ મોદી મેદાને છે.વડાપ્રધાન નરેન્દ્ર મોદીએ સુરતના સર્કિટ હાઉસમાં રાત્રિ રોકાણ કર્યુ હતુ..ત્યારે ગત મોડી રાત સુધી અને આજે સવારે સર્કિટ હાઉસમાં બેઠકોનો ધમધમાટ જોવા મળ્યો હતો.સવારે સર્કિટ હાઉસ ખાતે પ્રદેશ ભાજપ અધ્યક્ષ સી.આર. પાટીલ,હર્ષ સંઘવી પહોંચ્યા હતા.તો શહેરના જાણીતા બિલ્ડર મુકેશ પટેલ પણ સર્કિટ હુસમાં વડાપ્રધાનને મળવા પહોંચ્યા હતા.ઉલ્લેખનિય છે કે ગતરાતે પણ પાટીલ અને હર્ષ સંઘવી સાથે મોદીએ મેરેથોન બેઠક કરી હતી..તો સાથે જ પાટીદાર આગેવાનોએ પણ મોદી સાથે બેઠક કરી હોવાની ચર્ચા છે.
