વિધાનસભાની ચૂંટણી સત્તાધારી ભાજપ માટે પણ સરળ નથી. ૨૭ વર્ષના શાસનની એન્ટીઈન્કમ્બન્સીને ટાળવા માટે ભાજપે અનેક બેઠકો પર નવા ઉમેદવારોને મેદાનમાં ઉતાર્યા છે.જેને લઈને ભાજપના હાલના અનેક ધારાસભ્યો અને નેતાઓ નારાજ ચાલી રહ્યા છે.ટિકિટ નહી મળતા પણ ગુસ્સો છે.પરંતુ વડાપ્રધાન નરેન્દ્ર મોદી અને ગૃહમંત્રી અમિત શાહ સામે કશુ બોલવાની હિંમત નથી.ચર્ચા એવી છે કે, જો ભાજપને ૧૧૦થી વધુ બેઠકો મળશે તો અસંતુષ્ટો શાંત થઈને બેસી રહેશે.પરંતુ ૧૦૦ કરતા ઓછી બેઠકો મળશે તો ભાજપમાં મોટો ભડકો થવાની આશંકા સેવાઈ રહી છે.એટલુ જ નહી, પ્રથમ વખત જ અસંતુષ્ટો બહાર આવી જશે એને ભાજપ સામે બળવો કરી શકે છે.
પાટીદારોના ગઢ વરાછામાં PM મોદીની ગર્જના,વોટબેંકની રાજનીતિ કરનારાને ગુજરાતથી દૂર જ રાખવા
ગુજરાતમાં પ્રથમ તબક્કાના મતદાનને આડે હવે ગણતરીના દિવસો બચ્યાં છે.ત્યારે તમામ પાર્ટીઓના સ્ટાર પ્રચારો ઝંઝાવાતી પ્રચાર કરી રહ્યાં છે.વડાપ્રધાન નરેન્દ્ર મોદી પણ ભાજપને સાતમી વખત સત્તામાં લાવવા માટે તાબડતોડ રેલીઓ કરી રહ્યાં છે.જે અંતર્ગત આજે વડાપ્રધાન મોદીએ સુરતમાં પાટીદારોના ગઢ ગણાતા વરાછામાં જંગી જનમેદની સંબોધન કર્યું હતુ.આ દરમિયાન વડાપ્રધાન નરેન્દ્ર મોદીએ કોંગ્રેસ પર વૉટબેંકની રાજનીતિનો આક્ષેપ કરતાં જણાવ્યું કે, આવી પાર્ટીઓને ગુજરાતથી દૂર જ રાખવાના છે.કેટલીક પાર્ટીઓ તૃષ્ટિકરણની રાજનીતિ કરી રહી છે.મુંબઈ આતંકવાદી હુમલાને હું આજે પણ નથી ભૂલ્યો.જે તાકાતો 2002થી ગુજરાતને નીચું પાડવા માટે ષડયંત્ર કરી રહી છે,તે નવા-નવા રુપમાં સામે આવી રહી છે.આવા લોકોને ઓળખવા જરૂરી છે.બાટલા હાઉસ એન્કાઉન્ટર પર કોંગ્રેસે જ સવાલ ઉઠાવ્યા હતા.આવી વોટબેંકની રાજનીતિ કરનારાને ગુજરાતથી દૂર રાખવા જરૂરી છે.
પાટીદારોના ગઢ ગણાતા વરાછામાં વડાપ્રધાને જણાવ્યું કે, વિશ્વના 10 સૌથી વિકસતા શહેરોમાં એક આપણું સુરત છે.રક્તદાન શિબિરના રેકોર્ડમાં પણ સુરત સૌથી અવલ્લ છે.એક સમય હતો,જ્યારે સુરત સમગ્ર વિશ્વમાં બદનામ હતુ.આજે સુરત વિશ્વના 10 સૌથી ઝડપથી વિકસતા શહેરો પૈકી એક છે.કોંગ્રેસની ઝટકણી કાઢતા વડાપ્રધાને જણાવ્યું કે, કોંગ્રેસના એખ મંત્રીએ સરહદ પર રસ્તો બનાવવાને લઈને સંસદમાં જવાબ આપ્યો હતો કે, સરહદ પર રસ્તો બનાવીશું,તો ચીન તેનો ઉપયોગ કરશે.આવી વિચારધારાથી દેશ કેવી રીતે આગળ વધી શકે છે? ભાજપ ભવિષ્ય અને આધુનિક વિચારવા વાળી પાર્ટી છે.
દુનિયાના સૌથી ધનિક દેશ પહેલા પોતાનું ઈન્ફ્રાસ્ટ્રક્ચર જોશે.આજે અમે ભારતમાં વિશ્વનો સૌથી લાંબો બ્રિજ બનાવ્યો છે.અમે ભારતમાં વિશ્વનૌ સૌથી ઊંચો રેલવે બ્રિજ બનાવ્યો છે.અમે વિશ્વની સૌથી ઊંચી પ્રતિમા સ્ટેચ્યૂ ઑફ યુનિટી બનાવી છે.અમે વિશ્વનો સૌથી મોટો સોલર એનર્જી પાર્ક બનાવ્યો છે.
સરદાર સરોવર ડેમના કારણે નર્મદા નદીનું પાણી કચ્છ કાઠિયાવાડ પહોંચી ગયું છે.સૌરાષ્ટ્રમાં નર્મદાનું પાણી વિકાસનું અમૃત બની રહ્યું છે.સુરતના લોકોએ એક વાત પર ધ્યાન આપવાની જરૂર છે. આપણે ક્યારેય ભૂલવું ના જોઈએ,પંડિત નહેરુએ શિલાન્યાસ કર્યો એ નર્મદા યોજનાનું કામ ખોરંભી ચડી ગયુ.વિશ્વભરમાં ગુજરાતને બદનામ કરવામાં કોઈ કમી ના છોડી.આવા લોકોએ 50 વર્ષ સુધી ગુજરાતની ત્રણ પેઢીઓને ઉજાડવાનું કામ કર્યું છે.
