દાહોદ : ગુજરાતમાં વિધાનસભાની ચૂંટણીને લઇને માહોલ ગરમાયો છે તો બીજી બાજુ પક્ષ પલટાની સીઝન પણ આવી છે.ત્યારે ભાજપના ગઢ ગણાતા દેવગઢબારિયામાં આમ આદમી પાર્ટીને ભાજપમાં ગાબડું પાડવામાં સફળતા મળી છે.દેવગઢબારિયા તાલુકાના દેવીરામપુરા અને નવીબેડી ગામના માજી સરપંચો સહીત ભાજપના 400થી વધુ સક્રિય કાર્યકર્તાઓએ ભાજપ સાથે છેડો ફાડી ભાજપને રામ રામ કહી દીધા છે અને આમ આદમી પાર્ટીના ઉમેદવાર ભરતસિંહ વાળખાની ઉપસ્થિતિમાં આમ આદમી પાર્ટીનો ખેસ ધારણ કર્યો હતો.
દેવગઢબારીયામાં ભાજપ પક્ષમાં મહામંત્રી તરીકે ગ્રામ્ય કક્ષાએ કામ કરેલ અને 3 વર્ષ ભાજપ યુવા મોરચામાં રહેલ ઈશ્વરભાઈ રાઠવાએ જણાવ્યું હતું કે, ભાજપના નેતાઓ ચૂંટણીઓ આવે ત્યારે યાદ કરે છે અને પછી રામ રામ અને પાંચ વર્ષે ચૂંટણી આવે ત્યારે યાદ કરે છે. 22 વર્ષથી પાર્ટીની સેવા કરી પણ હવે હું આમ આદમી પાર્ટીમાં મારા હજારો કાર્યકર્તા સાથે જોડાઈ ગયો છું.
અનગઢ તાલુકા પંચાયતના પ્રભારી સહિત ૩૦૦ એ ભાજપને રામરામ કર્યા
વિધાનસભાની ચુંટણી જેમ જેમ નજીક આવી રહી છે તેમ સમીકરણો પણ બદલાઇ રહ્યા છે ત્યારે વડોદરા જિલ્લાની સૌથી ચર્ચાસ્પદ વાઘોડિયા વિધાનસભાની સીટ પર અપક્ષ ઉમેદવાર ધર્મેન્દ્રસિંહ વાઘેલાને વ્યાપક સમર્થન મળી રહ્યું છે.આજરોજ વડોદરા તાલુકાના અનગઢ મુકામે વાઘેલાના કાર્યાલયનું ઉદઘાટન કરવામાં આવ્યું હતું.જેમાં મોટી સંખ્યામાં સમર્થકો,કાર્યકરો અને આગેવાનોએ હાજરી આપી હતી.આ પ્રસંગે ભાજપના અનગઢ તાલુકા પંચાયતના પ્રભારી સંજય ગોહિલ ભાજપ છોડીને પોતાના ૩૦૦ સમર્થકો સાથે ધર્મેન્દ્રસિંહ સાથે જોડાયા હતા.હજી થોડા દિવસ પહેલા જ ૩૫૦ થી વધુ કાર્યકરો અને ૨૧ જેટલા હોદેદ્દારો ભાજપ છોડીને વાઘેલાના સમર્થનમાં જોડાયા હતા.હવે ફરીવાર મહી કાંઠા ગામોના ૩૦૦ થી વધુ કાર્યકરો ધર્મેન્દ્રસિંહ સાથે જોડાઇને પ્રચાર કાર્યમાં લાગી ગયા છે.
