– અમે પક્ષ નહીં દર્શન નાયક ને મત આપીશું: મતદારો
સુરત, તા: 29 : ઓલપાડ વિધાનસભા ના કોંગ્રેસના ઉમેદવાર દર્શન નાયકની લોકપ્રિયતા અત્યારે ચર્મ સીમા ઉપર પહોંચી જવા પામી છે ત્યારે આજરોજ દર્શન નાયકનું કોસાડમાં સાંજે ચૂંટણી કાર્યાલય નું ઉદઘાટન કરવામાં આવ્યું હતું ત્યારે જંગીજન મેદની ઊમટી પડી હતી.
ગુજરાત વિધાનસભા ચૂંટણી પ્રચાર ચલણ સીમાએ છે ત્યારે ઓલપાડ વિધાનસભા મતવિસ્તારમાં ઝંઝાવાતી ચૂંટણી પ્રચાર કરી રહેલા કોંગ્રેસના ઉમેદવાર દર્શન નાયકને ઠેર ઠેર પ્રચંડ પ્રતિસાદ મળી રહ્યો છે અને આજરોજ કોસાડ આવાસમાં તેમના ચૂંટણી પ્રચાર કાર્યાલયનો ઉદઘાટન કરવામાં આવ્યું હતું.ઓલપાડ મતવિસ્તાર ના મતદારો કહે છે કે પક્ષ કોઈ પણ હોય અમારા માટે લેવાદેવા નથી અમારે તો દર્શનભાઈ નાયક ને જોઈને મત આપવાનો છે આટલી લોકપ્રિયતા જૂજ નેતાઓ જ મેળવી શકે છે આનું કારણ એ હોઈ શકે કે દર્શન નાયક એ તેમના મત ક્ષેત્રમાં કરેલા કામો બોલે છે.હંમેશા પ્રજાની વચ્ચે રહેનાર ખેડૂતો ના પ્રશ્નોનો બુલંદ અવાજ ઉઠાવવાનો હોય કે લોકોની અન્ય સમસ્યાઓ હોય પ્રજાના હિત માટે ગમે તેવા કપરા કામ વટથી કરી બતાવવા માટે સક્ષમ છે.આટલા વર્ષોના રાજકારણમાં જિલ્લા પંચાયતના વિરોધ પક્ષના નેતા તરીકે તેમની ઝુંઝારું નેતા તરીકેની છાપ તેમજ ખેડૂત અગ્રણી તરીકે એક સાક્ષમ અને નીડર રાજનેતા તરીકેની છાપ ઉપસી આવે છે જાહેર જીવનમાં એક દમ જમીન સ્તરે જોડાઈને રહેવું પસંદ કરી તેની સાથે પ્રચારમાં પણ મોટર સાયકલ પર બેસી નીકળી પડવું તેમના માટે સામાન્ય બાબત છે.ઓલપાડ મતવિસ્તારના ગરીબ હળપતિ સમાજના લોકોના અનેક પ્રશ્નો માટે સતત જિલ્લા પંચાયતમાં અવાજ ઉઠાવી લડાયક રહેનાર તેમજ નાનામાં નાના માણસને ધ્યાનથી સાંભળવું અને તેની તકલીફ નો તાત્કાલિક નિરાકરણ કરવું તેમના સ્વભાવમાં છે.વિકાસના કામો અને લોક સેવાની કાર્યોની સરવાણી અવિરત વહેતી તેમણે જાળવી રાખી છે વિરોધીઓને પણ લડાયક મૂડમાં જવાબ આપવા કે કોઈની ટીકા કર્યા વગર લોક સેવાના કાર્યો કરવામાં મસ્ત રહેનાર નાતજાતના ભેદભાવ જોયા વગર દરેક તબક્કાના લોકોને સાથે રાખી ખેડૂતો માટે પણ અવાજ ઉઠાવવામાં અગ્રેસર રહેલા દર્શન નાયક ને ભારતીય રાષ્ટ્રીય કોંગ્રેસ એ ઓલપાડ મત ક્ષેત્ર વિધાનસભાના ઉમેદવાર બનાવતા તેમને ઠેર ઠેર બહોળો પ્રતિસાદ મળી રહ્યો છે.તે જોતાં તેમનો વિજય નક્કી જ છે છતાં આજરોજ તેમના કોસાડ ખાતેના કાર્યાલયના પ્રારંભમાં ઉલટી પડેલી જનમેદનીએ મોટી લીડથી વિજયી બનાવવા માટે કાર્યકરોએ બાહેધરી આપી હતી કાર્યાલયના ઉદ્ઘાટન પ્રસંગે દર્શન નાયકની સાથે કોંગ્રેસના અન્ય તમામ કાર્યકરો પણ ઉપસ્થિત રહ્યા હતા.
