હિમાચલ પ્રદેશ : હિમાચલ પ્રદેશ વિધાનસભા ચૂંટણીના પરિણામ આજે સ્પષ્ટ થઈ જશે.હિમાચલમાં થોડીવારમાં મતગણતરી શરૂ થશે.ચાલો તમને એ સીટો વિશે જણાવીએ જ્યાંથી ભાજપ અને કોંગ્રેસના દિગ્ગજ નેતાઓ મેદાનમાં છે.હિમાચલ પ્રદેશની જનતાએ આગામી પાંચ વર્ષ માટે તેમના ધારાસભ્યોને ચૂંટ્યા છે.હિમાચલ વિધાનસભાનો કાર્યકાળ આવતા વર્ષે 8 જાન્યુઆરી, 2023 ના રોજ સમાપ્ત થઈ રહ્યો છે.દર પાંચ વર્ષે સરકાર બદલાતા આ રાજ્યમાં આ વખતે ભાજપ અને કોંગ્રેસ વચ્ચે ગાઢ મુકાબલો હોવાનું માનવામાં આવી રહ્યું હતું.બંને પક્ષોએ ચૂંટણી પ્રચારમાં તમામ તાકાત લગાવી દીધી હતી
– ભાજપ 26 તો કોંગ્રેસ 30 સીટથી આગળ
– કોંગ્રેસ ધીમે ગતિએ આગળ વધ્યું
– હવે ભાજપ 39 સીટથી આગળ
– શરૂઆતમાં કોંગ્રેસ 27થી આગળ હતું, ત્યારે ભાજપની 22 સીટ હતી
– હાલમાં હિમાચલ પ્રદેશમાં 42 સીટો માટે પ્રારંભિક ટ્રેન્ડ આવી ગયો છે. જેમાં ભાજપ 20, કોંગ્રેસ 19 અને અન્ય 3 પર આગળ છે.
– હિમાચલ પ્રદેશમાં ભાજપ અને કોંગ્રેસ વચ્ચે જોરદાર ટક્કર
– ભાજપ 30 સીટથી આગળ
– કોંગ્રેસ 20 સીટથી પાછળ
હિમાચલ પ્રદેશમાં કુલ 68 વિધાનસભા સીટો છે.બહુમતી માટે કોઈપણ પક્ષને ઓછામાં ઓછી 35 બેઠકોની જરૂર હોય છે.આ ચૂંટણીમાં 412 ઉમેદવારોનું ભાવિ દાવ પર હતું. અગાઉ વર્ષ 2017માં ભારતીય જનતા પાર્ટીએ 45 બેઠકો જીતીને સરકાર બનાવી હતી.જયરામ ઠાકુરે 26 ડિસેમ્બર 2017ના રોજ મુખ્યમંત્રી તરીકે શપથ લીધા હતા.આવો જોઈએ આ વખતના પરિણામોમાં કઈ સીટ પર કયો ઉમેદવાર જીતે છે?
1985 પછી કોઈ પક્ષને ફરી તક મળી નથી, આ રાજ્યમાં સતત 10 વર્ષ સુધી કોઈ પક્ષ સત્તામાં નથી.આને ધ્યાનમાં રાખીને 2022ની વિધાનસભા ચૂંટણીના પ્રચાર દરમિયાન ભાજપે ‘રાજ નહીં, રિવાજ બદલશે’નો નારો આપ્યો હતો.એટલે કે આ વખતે સરકાર નહીં પરંતુ સરકાર બદલવાની જૂની પરંપરા બદલવાનો આગ્રહ રાખ્યો હતો.
સિરાજ વિધાનસભા સીટ – આ સીટ પરથી મુખ્યમંત્રી જયરામ ઠાકુર પોતે મેદાનમાં છે.તેઓ અહીંથી બે વખત ચૂંટણી જીતી ચૂક્યા છે.
શિમલા ગ્રામીણ બેઠક– શિમલા ગ્રામીણ વિધાનસભા બેઠક પરથી કોંગ્રેસ પાર્ટીના વિક્રમાદિત્ય સિંહ મેદાનમાં છે.તેઓ રાજ્યના પૂર્વ મુખ્યમંત્રી રાજા વીરભદ્ર સિંહના પુત્ર છે.
શિમલા– હિમાચલ પ્રદેશની આ વિધાનસભા બેઠક પરથી ભાજપે સંજય સૂદને મેદાનમાં ઉતાર્યા હતા.સંજય સૂદ ચાની દુકાન ચલાવે છે.સમગ્ર હિમાચલ તેના પ્રદર્શન પર નજર રાખશે.તેમનો કોંગ્રેસ સાથે જોરદાર મુકાબલો છે.
કસુમ્પ્ટી વિધાનસભા મતવિસ્તાર – ભાજપના દિગ્ગજ નેતા સુરેશ ભારદ્વાજ આ બેઠક પરથી મેદાનમાં છે.તેઓ જયરામ ઠાકુરની સરકારમાં શહેરી વિકાસ અને કાયદા મંત્રી છે.કેટલાક એક્ઝિટ પોલમાં કસુમ્પ્ટીમાં તેમની હારની સંભાવના વ્યક્ત કરવામાં આવી છે.
