– કતારમાં મેઘધનુષ્ય ટી-શર્ટ પહેરવા બદલ યુએસ પત્રકાર ગ્રાન્ટ વાહલને કસ્ટડીમાં લેવામાં આવ્યો હતો
– LGBTQના સમર્થનમાં પહેર્યું રેઈન્બો ટી-શર્ટ
– ગ્રાન્ટના ભાઈ એરિકે તેમના મૃત્યુ માટે કતાર સરકારને જવાબદાર ઠેરવી હતી
કતાર, તા. 10 ડિસેમ્બર 2022 શનિવાર : LGBTQ સમુદાયને ટેકો આપતી વખતે કતારમાં મેઘધનુષ્ય ટી-શર્ટ પહેરવા બદલ અટકાયતમાં લેવામાં આવેલા યુએસ પત્રકાર ગ્રાન્ટ વાહલનું અવસાન થયું છે.વાહલના ભાઈએ આ વાતની પુષ્ટિ કરી હતી. તેઓએ કહ્યું કે, આર્જેન્ટિના અને નેધરલેન્ડ વચ્ચેની મેચને કવર કરતી વખતે ગ્રાન્ટ વાહલ સ્ટેડિયમમાં પડી ગયો હતો.જે બાદ તેને મૃત જાહેર કરવામાં આવ્યો હતો.ગ્રાન્ટના ભાઈ એરિકે તેમના મૃત્યુ માટે કતાર સરકારને જવાબદાર ઠેરવી હતી.
સોશિયલ પર વીડિયો પોસ્ટ કર્યો છે
મારું નામ એરિક વાહલ છે, ગ્રાન્ટના ભાઈએ સોશિયલ પર પોસ્ટ કરેલા એક વીડિયોમાં જણાવ્યું હતું.હું ગ્રાન્ટ વાહલનો ભાઈ છું અને હું ગે છું.એરિકે પોતાના વીડિયોમાં જણાવ્યું છે કે ગ્રાન્ટે ગે હોવાના સમર્થનને કારણે રેઈન્બો ટી-શર્ટ પહેરી હતી.જેના કારણે તેને કસ્ટડીમાં લેવામાં આવ્યો હતો.
કતાર પર લગાવ્યો હત્યાનો આરોપ
એરિકે તેના ભાઈની હત્યા થઈ હોવાની આશંકા વ્યક્ત કરી છે.તેણે કહ્યું કે મારો ભાઈ સંપૂર્ણ સ્વસ્થ છે.તેને જાનથી મારી નાખવાની ધમકીઓ મળી રહી હતી.મને ખાતરી છે કે તેની હત્યા કરવામાં આવી છે.તેમણે સમગ્ર મામલાની તપાસ કરાવવા માટે લોકોની મદદ માંગી છે.
અમેરિકાની સોકર ટીમે શોક વ્યક્ત કર્યો
અમેરિકાના ફૂટબોલને કવર કરી રહેલા પત્રકારના મૃત્યુ પર ત્યાંની સોકર ટીમે તેના પર શોક વ્યક્ત કર્યો છે.એક સોશિયલ પોસ્ટમાં તેણે લખ્યું કે તે ફૂટબોલ સાથે જોડાયેલી સારી અને રસપ્રદ વાતો લાવવામાં હંમેશા માહેર છે.ગ્રાન્ટે સોકરને તેમના જીવનનું મિશન બનાવ્યું.
