– ભાજપ પ્રમુખ જે.પી.નડ્ડા પણ નવી સરકારની શપથવિધીમાં ઉપસ્થિત રહ્યાં છે
– આજે સાંજે યોજાનારી કેબિનેટની બેઠકમાં મંત્રીઓને ખાતાની ફાળવણી થશે
અમદાવાદ, 12 ડિસેમ્બર 2022, સોમવાર : ગુજરાતમાં વિધાનસભાની ચૂંટણી બાદ આજે નવી સરકારની શપથવિધી શરૂ થઈ ગઈ છે.ભુપેન્દ્ર પટેલે રાજ્યના 18માં મુખ્યમંત્રી તરીકે શપથ લીધા છે.તેમને રાજ્યપાલ આચાર્ય દેવવ્રતે શપથ લેવડાવ્યા હતા.શપથ લીધા બાદ મુખ્યમંત્રી ભુપેન્દ્ર પટેલ વડાપ્રધાન નરેન્દ્ર મોદીને મળ્યા હતા.આ શપથવિધીમાં વડાપ્રધાન મોદી,ગૃહમંત્રી અમિત શાહ સહિતના કેન્દ્રીય નેતાઓ સહિત ભાજપના સ્ટાર પ્રચારકો પણ ઉપસ્થિત રહ્યાં છે.ભાજપના તમામ નવા જીતેલા ધારાસભ્યો પણ શપથવિધીમાં હાજર થઈ ગયાં છે.ભાજપ પ્રમુખ જે.પી.નડ્ડા પણ નવી સરકારની શપથવિધીમાં ઉપસ્થિત રહ્યાં છે.
સાંજે યોજાનારી કેબિનેટની બેઠકમાં મંત્રીઓને ખાતાની ફાળવણી
હાર્દિક પટેલ અને અલ્પેશ ઠાકોરને મંત્રી પદ મળશે કે નહીં તે અંગે હાલ તો સસ્પેન્સ છે.પરંતુ સાંજે યોજાનારી કેબિનેટની બેઠકમાં મંત્રીઓને ખાતાની ફાળવણી થવાની છે.ત્યારે જ જાહેર થઈ જશે કે તેમને શું જવાબદારી મળી શકે છે.અલ્પેશ ઠાકોરે દારાસભ્ય દળની મીટિંગ પહેલા કહ્યું હતું કે, ધારાસભ્યો જે નક્કી કરશે મને મંજુર રહેશે.હાલમાં ગાંધીનગરમાં તમામ ધારાસભ્યો શપથવિધીમાં જોડાઈ ગયાં છે.હવે જોવાનું રહેશે કે કોને કહ્યું પદ મળે છે.
8 કેબિનેટ અને 8ને રાજ્યસભાના મંત્રી બનાવી શકે
કેબિનેટ મંત્રીમાં લગભગ 16 ચહેરાઓને સ્થાન મળી શકે છે.જેમાં 8 કેબિનેટ અને 8 રાજ્યમંત્રી બનાવવામાં આવી શકે છે.વિધાનસભાના નવા અધ્યક્ષ તરીકે ત્રણ નામોની ચર્ચા થઈ રહી છે.તે નામોમાં શંકર ચૌધરી,ગણપત વસાવા અને રમણલાલ વોરાના નામ સામે આવી રહ્યા છે.તેમજ ઉપાધ્યક્ષ તરીકે જેઠાભાઈ ભરવાડનું નામ ચર્ચામાં આગળ છે. સરકારમાં યુવા, મહિલા અને અનુભવી ચહેરાના આધારે મંત્રીમંડળની રચના કરવામાં આવશે.આ દરમિયાન ઘણા સંભવિત નામો સામે આવી રહ્યા છે,જેને મંત્રીઓની કેબિનેટમાં સામેલ કરવામાં આવી શકે છે.
આટલા ધારાસભ્યોને પ્રદેશ ભાજપ કાર્યાલય તરફથી ફોન કરાયેલ છે
ઋષીકેશ પટેલ
કનુભાઈ દેસાઈ
રાઘવજી પટેલ
મુળુભાઈ બેરા
પુરુષોત્તમ સોલંકી
કુંવરજી બાવળીયા
ભાનુબહેન બાબરીયા
કુબેર ડિંડોર
બળવંતસિંહ રાજપુત
બચુ ખાબડ
જગદીશ પંચાલ
મુકેશ પટેલ
ભીખુભાઈ પરમાર
હર્ષ સંઘવી
દેવાભાઇ માલમ
પ્રફુલ્લ પાનસેરીયા
કુંવરજી હળપતિ
