બારડોલી : મળતી માહિતી અનુસાર એલ.સી.બી શાખાના અધિકારીઓ જુગારની પ્રવૃતી નેસ્ત નાબુદ કરવા બાબતે અલગ અલગ ટીમો બનાવી પેટ્રોલીંગમાં હતા.તે દરમ્યાન એલ.સી.બી શાખાના અ.હે.કો ચિરાગકુમાર જયંતિલાલ તથા અ.હે.કો અમરતજી રાઘાજીને સંયુક્ત રાહે બાતમી મળી હતી કે મોજે વલથાણ ગામની સીમમાં સુનિલભાઇ શંભુભાઇ ગૌસ્વામીના શેરડીના ખેતરમાં ભારતીય બનાવટનો વિદેશી દારૂનો જથ્થો સંતાડી રાખેલ છે અને સફેદ કલરની બર્ગમેન મોપેડ નંબર- GJ – 19 – BF – 4739 ઉપર બે ઇસમો સગેવગે કરી રહેલ છે.અને હાલમાં કાર્ટંગ કરી રહેલ છે.તેવી બાતમી આધારે પોલીસની એક ટીમે સ્થળ ઉપર રેઇડ કરતા પોલીસને શેરડીના ખેતરમાંથી સુઝુકી કંપનીની મોપેડ નંબર- GJ – 19 – BF 4739 તથા વિદેશીદારૂની બાટલીઓ તથા ટીન બીયર કુલ્લે 288 બોટલ મળી હતી.પોલીસે રેડ દરમિયાન ભાગી છૂટેલા 2 અજાણ્યા ઇસમોને વોન્ટેડ જાહેર કરી 40,800/-નો વિદેશી દારૂનો જથ્થો કબ્જે કરી વધુ તપાસ હાથ ધરી છે.
કામરેજના વલથાણમાં શેરડીના ખેતર માંથી વિદેશી દારૂ ઝડપાયો
