લોકસાહિત્ય દેવાયત ખવડ છેલ્લા કેટલાય દિવસથી એક મારામારીના ગુનામાં ફરાર ફરી રહ્યો છે ત્યારે ધરપકડથી બચવા માટે કોર્ટમાં આગોતરા જામીન અરજી કરી હતી.દેવાયત ખવડે કરેલી આગોતરા જામીન અરજી પર આજે સુનાવણી થવાની હતી પરંતુ એ સુનાવણી આજે ટળી છે અને હવે આગામી 17 તારીખ અને શનિવારના રોજ ફરીથી જામીન અરજી પર ચુનાવણી હાથ ધરવામાં આવશે.
દેવાયત ખવડે આગોતરા જામીન અરજી કરી હતી
રાજકોટમાં સર્વેશ્વર ચોકમાં મયુરસિંહ રાણા પર લોકસાહિત્યકાર દેવાયત ખવડ અને તેના સાગરીતે પાઇપ વડે જીવલેણ હુમલો કર્યો હતો.ઇજાગ્રસ્ત મયુરસિંહ રાણાએ ડિવિઝન પોલીસ સ્ટેશનમાં દેવાયત ખવડ અને તેના સાગરીત વિરુદ્ધ હત્યાનો પ્રયાસ સહિતની કલમો હેઠળ ગુનો નોંધવામાં આવ્યો હતો.છેલ્લા 4 દિવસથી ફરાર દેવાયત ખવડે ધરપકડથી બચવા માટે રાજકોટ કોર્ટમાં આગોતરા જામીન અરજી દાખલ કરી હતી.
આઠ દિવસ થયા છતાં પણ પોલીસ પકડથી દૂર
મયુરસિંહે અગાઉ પણ દેવાયત ખવડ વિરુદ્ધ પોલીસ કમિશનરને અરજી કરી હતી કે દેવાયત તેને વારંવાર મારી નાખવાની ધમકી આપી રહ્યાં છે.આ હુમલો કયા કારણોસર કરવામાં આવ્યો છે એ સંદર્ભે હજી કોઇ વિગત સામે આવી નથી.પરંતુ બનાવની વિગત અનુસાર મયુરસિંહ ઓફિસેથી પોતાના ઘરે જઇ રહ્યાં હતા ત્યારે દેવાયત ખવડ દ્વારા હુમલો કરવામાં આવ્યો હતો.પોલીસ દ્વારા દેવાયત ખવડને પકડવા માટે અલગ-અલગ ટીમો બનાવીને કાર્યવાહી હાથ ધરવામાં આવી છે.બનાવને આઠ દિવસ થયા છતાં પણ દેવાયત ખવડ પોલીસ પકડથી દૂર છે.
શું છે વિવાદ
તાજેતરમાં દેવાયત ખવડે પોતાના સાગરીત સાથે એક વ્યક્તિ સાથે જાહેરમાં મારામારી કરી હતી.આ સમગ્ર ઘટના સીસીટીવીમાં કેદ થઇ હતી.દેવાયત ખવડ દ્વારા મયુરસિંહ રાણા નામાના શખ્સને માર મારવામાં આવ્યો હતો અને તેને ગંભીર ઇજા પહોંચાડી હતી.જેને હાલ રાજકોટની ખાનગી હોસ્પિટલમાં સારવાર આપવામાં આવી હતી.
