– પોલીસે 3.66 લાખનો મુદ્દામાલ કબ્જે કરી ડ્રાઇવરની અટકયાય કરી બે ને વોન્ટેડ જાહેર કર્યા
બારડોલી : મળતી માહિતી અનુસાર બુધવારે એલ.સી.બી સુરત ગ્રામ્ય સુરતના પોલીસના માણસો કામરેજ પોલીસ સ્ટેશન વિસ્તારમાં પ્રોહી. જુગારના ગુના સબંધમાં પેટ્રોલીંગમાં હતા.તે દરમ્યાન એલ.સી.બી. / પેરોલફર્લો શાખાના પો.કો. દિપકભાઇ અનિલભાઇ તથા પો.કો. અલ્તાફભાઇ ગફુરભાઇ નાઓને સયુક્ત રાહે બાતમી મળી હતી કે,એક સફેદ કલરની મહિન્દ્રા બોલેરો પીકઅપ નંબર MH – 18 – AA 8673 માં પાછળના ડાલામાં ચોરખાનું બનાવી તેમા વિદેશી દારૂનો જથ્થો મનોર થી ભરી નીકળેલ છે અને આ પીકઅપ નાશીક,સાપુતારા થઇ મહુવા,બારડોલી થઇ કામરેજ થઇ સુરત શહેર તરફ જનાર છે.તેવી બાતમી આધારે કામરેજ ગામ થી કામરેજ ચાર રસ્તા તરફ જતા રસ્તા ઉપર ખેતલાઆપા ટી સ્ટોલની સામે રોડ ઉપર પોલીસની એક ટીમે વોચ ગોથવી બોલેરો પીકઅપ નંબર MH – 18 – AA – 8673 ની આવતા તેને રોકી લઈ,બોલેરો પીકઅપ ગાડીના પાછળના બોડી ( ડાલા ) ના ભાગે ચોરખાનું બનાવેલ હોય જે ચોરખાનામાં તપાસ કરતા તેમાંથી 720 નંગ વિદેશીદારૂ જથ્થો મળી આવ્યો હતો.પોલીસે ચાલક અશોકકુમાર ગોકલારામ બીશનોઇ (ઉવ .27 રહે. શોભાલા દર્શન ગામ થાના સેડવા તા.ચૌહટન જી.ભાડમેર રાજેસ્થાન )ની અટકયાય પકડાયેલ વિદેશી દારૂનો જથ્થો ભરી આપનાર અને વિદેશી દારૂનો જથ્થો મંગાવનાર રમેશભાઇ (રહે . સુરત શહેર)ને વોન્ટેડ જાહેર કરી તમામના વિરુધ્ધમા કાયદેસરની કાર્યવાહી કરી ગુના સંદર્ભે 1,60,800/- નો વિદેશી દારૂ અને પિકપ ગાડી તેમજ મોબાઇલ મળી 3,66,440/- નો મુદ્દામાલ કબ્જે કરી વધુ તપાસ હાથ ધરી છે.


