– આ બિસ્કિટની બજાર કિંમત 39 લાખ રૂપિયા થાય છે
અમદાવાદ, તા. 07 જાન્યુઆરી 2023, શનિવાર : અમદાવાદ એરપોર્ટ પર વધી રહેલી સોનાની તસ્કરી વચ્ચે આંતરરાષ્ટ્રીય ટર્મિનલ માંથી સોનું મળી છે.સાફસફાઈનું કામ કરતા સામાન્ય કર્મચારીને ટોઈલેટના ફ્લશમાંથી 6 સોનાના બિસ્કીટ મળી આવ્યા છે.ફ્લશમાંથી 166 ગ્રામના 6 સોનાના બિસ્કીટ મળી આવ્યા છે.જેની બજાર કિંમત 39 લાખ રૂપિયા થાય છે.આ સોનાના બિસ્કિટ કસ્ટમ વિભાગે જપ્ત કર્યા છે. 10 દિવસમાં બીજી વખત ફ્લશમાંથી સોનાના બિસ્કિટ મળી આવ્યા છે.
મુસાફરે ફ્લશનો ઉપયોગ ના થતા ફરિયાદ કરી હતી.જેના આધારે સ્વીપરે ટોઈલેટનો ફ્લશ ચેક કરતા દિવાલનો ફ્લશ દબાતો ન હતો.જેથી આ ફ્લશની પ્લેટ ખુલ્લી હોવાથી તેને ચેક કરતા તેમાં કંઈ વજનદાર વસ્તુ હોવાનું જણાયું હતું.ચેક કરતાં કાળી સેલોટેપમાંથી સોનાના બિસ્કિટ મળી આવ્યા હતા.આ જોઈને સ્વીપર સુપરવાઇઝર પાસે પહોંચ્યો હતો.ત્યારબાદ તેઓ બંને કસ્ટમના અધિકારીઓ પાસે પહોંચ્યા હતા.તેમણે સેલોટેપ કાઢીને ચેક કરતાં 116 ગ્રામના એક એવા છ બિસ્કિટ મળી આવ્યા હતા. જેનું કુલ વજન 696 ગ્રામ થતું હતું.જ્યારે તે સોનાની કિંમત રૂ.39 લાખ હોવાનું અધિકારીઓએ જણાવ્યું હતું.
